ຂ່າວດ່ວນ

ຂ່າວອື່ນໆ

random

ທ່ານຮອງປະທານປະເທດ ເນັ້ນເມືອງວຽງທອງ ເພີ່ມທະວີການຕ້ານປະກົດການຫຍໍ້ທໍ້ຢ່າງແຂງແຮງ



     ໃນວັນທີ່ 1 ກັນຍາ 2017 ນີ້ ທ່ານ ພັນຄໍາ ວິພາວັນ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດແຫ່ງ ສ ປ ປ ລາວ  ໄດ້ລົງຢ້ຽມຢາມ ເມືອງວຽງທອງ ແຂວງບໍລິຄຳໄຊ ໂດຍເປັນກຽດຕ້ອນຮັບຂອງ ທ່ານ ປ ອ ກອງແກ້ວ ໄຊສົງຄາມ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງບໍລິຄຳໄຊ ທ່ານເຈົ້າເມືອງວຽງ ພອ້ມດ້ວຍຄະນະ.

    ການລົງມາຢ້ຽມຢາມຄັ້ງນີ້ ທ່ານຮອງປະທານປະເທດ ໄດ້ພົບປະໂອ້ລົມການນຳຂອງແຂວງ ແລະ ເມືອງວຽງທອງ, ປະຊາຊົນບ້ານວັງຫີນ ພ້ອມທັງໄດ້ການລາຍງານສະພາບການພັດທະນາເສດຖະກິດ - ສັງຄົມ ຂອງແຂວງບໍລິຄຳໄຊ ໂດຍລວມ ແຂວງບໍລິຄຳໄຊ ໄດ້ມີຄວາມສະງົບໂດຍພື້ນຖານ, ເສດຖະກິດສືບຕໍ່ມີການຂະຫຍາຍຕົວຢ່າງຕໍ່ເນື່ອງ ແລະ ຄວາມທຸກຫຍາກນັບມືຖືກຕີຖອຍເປັນກ້າວ ລວມຍອດມູນຄ່າເພີ່ມຜະລິດຕະພັນພາຍໃນ GDP ມີມູນຄ່າ 4.474,8 ຕື້ກີບ ດ້ວຍອັດຕາການຂະຫຍາຍຕົວ 8% ໃນນັ້ນຂົງເຂດກະສິກຳ ແລະ ປ່າໄມ້ຂະຫຍາຍຕົວໃນລະດັບ 3,5% ກວມເອົາ 40,2% ຂອງ GDP ຂົງເຂດອຸດສະຫະກຳ ແລະ ການກໍ່ສ້າງ ຂະຫຍາຍຕົວໃນລະດັບ 11,02 % ກວມເອົາ 31,4%ຂອງ GDP ຂົງເຂດບໍລິການຂະຫຍາຍຕົວໃນລະດັບ 8,93% ກວມເອົາ 28,4%ຂອງ GDP, ການພັດທະນາເສດຖະກິດ-ສັງຄົມເມືອງວຽງທອງ ແລະ ບ້ານວັງຫີນ ຂອງເມືອງວຽງທອງ.

 ຈາກນັ້ນທ່ານຮອງປະທານປະເທດ ຍັງໄດ້ເນັ້ນໃຫ້ການນຳຂອງແຂວງ, ເມືອງວຽງທອງ ແລະ ບ້ານວັງຫີນ  ຈົ່ງເພີ່ມທະວີເອົາໃຈໃສ່ວຽກງານປ້ອງກັນຊາດ - ປ້ອງກັນຄວາມສະຫງົບ ທົ່ວປວງຊົນຮອບດ້ານ ໃຫ້ມີຄວາມເຂັ້ມແຂງ,  ເອົາໃຈໃສ່ຕິດຕາມການເຄື່ອນຍ້າຍ, ເຂົ້າ-ອອກ ຂອງພົນລະເມືອງພາຍໃນແຂວງ ແລະ ຕ່າງແຂວງ ແລະ ຕ່າງປະເທດ  ທີ່ບໍ່ຖືກຕ້ອງຕາມລະບຽບການ, ແກ້ໄຂບັນຫາຕັ້ງພູມລຳເນົາແບບກະແຈກກະຈາຍ ເຮັດໃຫ້ການພັດທະນາບໍ່ທົ່ວເຖີງໃຊ້ງົບປະມານຫຼາຍ, ຕ້ານປະກົດການຫຍໍ້ທໍ້ໃນສັງຄົມໃຫ້ຫຼຸດໜ້ອຍຖອຍລົງ ເປັນຕົ້ນບັນຫາຢາເສບຕິດ ແລະ ອື່ນໆ ເພື່ອແນໃສເຮັດໃຫ້ແຂວງ, ເມືອງ ແລະ ບ້ານ ມີສະຖຽນລະພາບທາງດ້ານການເມືອງຢ່າງໜັ້ກແໜ້ນ ແລະ ສັງຄົມມີຄວາມເປັນລະບຽບຮຽບຮ້ອຍ.

ຂ່າວ: ແຂວງບໍລິຄຳໄຊ
ທ່ານຮອງປະທານປະເທດ ເນັ້ນເມືອງວຽງທອງ ເພີ່ມທະວີການຕ້ານປະກົດການຫຍໍ້ທໍ້ຢ່າງແຂງແຮງ Reviewed by makarow on 9:11:00 PM Rating: 5

Contact Form

Name

Email *

Message *

Powered by Blogger.