ຂ່າວດ່ວນ

ຂ່າວອື່ນໆ

random

ພາສາຈີນ ເປັນທີ່ນິຍົມຂອງນັກສຶກສາທີ່ເສັງເຂົ້າ ມຊ ປີນີ້



ພາສາຈີນ ເປັນທີ່ນິຍົມຂອງນັກສຶກສາທີ່ເສັງເຂົ້າ ມຊ ປີນີ້ ສາຂາວິຊາພາສາຈີນ ຄະນະອັກສອນສາດ ໄດ້ກາຍເປັນທີ່ນິຍົມຂອງນັກສຶກສາທີ່ສອບເສັງເຂົ້າມະຫາວິທະຍາໄລແຫ່ງຊາດ (ມຊ) ໃນສົກສຶກສາ 2017-2018 ໂດຍມີຜູ້ສະໝັກເສັງເຂົ້າເຖິງ 1.045 ຄົນ ເຊິ່ງໃນປີຜ່ານມາມີພຽງ 800 ຄົນ ແຕ່ໂກຕາຮັບເອົາໃນແຕ່ລະປີມີພຽງ 60 ຄົນເທົ່ານັ້ນ ຂະນະທີ່ສາຂາວິຊາພາສາອັງກິດ ແມ່ນມີໂກຕາຮັບນັກສຶກສາເຖິງ 177 ຄົນ ເຊິ່ງຫຼາຍກວ່າສາຂາວິຊາອື່ນໆທີ່ຮັບບໍ່ເຖິງ 100 ຄົນ.
ອີງຕາມການໃຫ້ສໍາພາດຂອງທ່ານ ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ເມື່ອວັນທີ 29 ສິງຫາ ທີ່ ມຊ ໃຫ້ຮູ້ວ່າ: ການສອບເສັງເຂົ້າສຶກສາທີ່ມະຫາວິທະຍາໄລແຫ່ງຊາດ ໃນສົກສຶກສາ 2017-2018 ມີນັກສອບເສັງທັງໝົດ 18.193 ຄົນ ໃນນັ້ນ ມີຜູ້ສະໝັກເສັງເຂົ້າຮຽນສາຂາວິຊາພາສາຈີນ ຄະນະອັກສອນສາດ ຈໍານວນ 1.045 ຄົນ ເມື່ອທຽບໃສ່ປີຜ່ານມາ ມີຜູ້ສະໝັກເຂົ້າສອບເສັງພຽງ 800 ຄົນ ແຕ່ສາຂາວິຊາດັ່ງກ່າວຮັບນັກສຶກສາພຽງແຕ່ 60 ຄົນ ໃນນັ້ນ ມີນັກສຶກສາທີ່ໄດ້ທຶນໃນແຜນ ຈໍານວນ 12 ຄົນ ແລະ 48 ຄົນ ແມ່ນຜູ້ທີ່ສາມາດເສັງເຂົ້າຮຽນໄດ້ (ນອກແຜນ) ເຊິ່ງສະແດງໃຫ້ເຫັນວ່າສາຂາວິຊາພາສາຈີນ ກໍາລັງເປັນທີ່ນິຍົມຂອງນັກຮຽນທີ່ເສັງເຂົ້າ ມຊ ຈາກກໍລະນີດັ່ງກ່າວ ໃນສົກສຶກສາຕໍ່ໜ້າທາງພາກສ່ວນກ່ຽວຂ້ອງ ຈະໄດ້ມີການພັດທະນາພື້ນຖານໂຄງລ່າງ ກໍ່ຄືຂະຫຍາຍພາກວິຊາພາສາຈີນ ເປັນຕົ້ນແມ່ນຫ້ອງຮຽນ ແລະ ຄູ-ອາຈານ ເຊິ່ງປັດຈຸບັນ ກໍ່ໄດ້ສົ່ງພະນັກງານຄູ-ອາຈານ ໄປຍົກລະດັບປະລິນຍາໂທ ແລະ ປະລິນຍາເອກດ້ານວິຊາການ ແລະ ວິຊາສະເພາະ ເພື່ອເປັນການກຽມຄວາມພ້ອມໃນການຮອງຮັບນັກສຶກສາ.

ຂ່າວ: ຫນັງສືພິມວຽງຈັນໃຫ່ມ
ພາສາຈີນ ເປັນທີ່ນິຍົມຂອງນັກສຶກສາທີ່ເສັງເຂົ້າ ມຊ ປີນີ້ Reviewed by makarow on 9:38:00 PM Rating: 5

Contact Form

Name

Email *

Message *

Powered by Blogger.