ຂ່າວດ່ວນ

ຂ່າວອື່ນໆ

random

ຍີ່ປຸ່ນ ຊ່ວຍຍົກລະດັບຄຸນະພາບ ການບໍລິການສຸຂະພາບ

ຍີ່ປຸ່ນ ຊ່ວຍຍົກລະດັບຄຸນະພາບ ການບໍລິການສຸຂະພາບ ພິທີ​ເຊັນ​ບົດ​ບັນທຶກ​ການ​ສຳຫຼວດ​ອອກ​ແບບ “ໂຄງການ​ປັບປຸງໂຮງໝໍ​ເຊດ​ຖາ​ທິ​ຣາດ ແລະ ໂຮງໝໍ​ແຂວງ​ຈຳປາ​ສັກ” ຈັດ​ຂຶ້ນ​ວັນ​ທີ 6 ກັນຍາ 2017 ທີ່​ນະຄອນຫຼວງວຽງ​ຈັນ ລະຫວ່າງທ່ານ ບຸນ​ໜັກ ໄຊຊະນະ​ສົງຄາມ ຮັກສາ​ການຫົວໜ້າ​ກົມ​ປິ່ນປົວ​ກະຊວງ​ສາ​ທາລະນະ​ສຸກ ແລະ ທ່ານ ຊູນ​ຊູ​ກິ​ຊາ ກູ​ໂດ ຮອງ​ຫົວໜ້າ​ອົງການ​ໄຈກາ​ປະຈຳ​ລາວ ທັງ​ເປັນ​ຜູ້​ຮັບ​ຜິດຊອບ​ໂຄງການ ມີ​ທ່ານ ບຸນ​ກອງ ສີ​ຫາ​ວົງ ລັດຖະມົນຕີ​ກະຊວງ​ສາທາ​ລະນະ​ສຸກ ແລະ ພາກສ່ວນ​ທີ່ກ່ຽວຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.
ໂຄງການ​ນີ້ ລັດຖະບານ​ຍີ່ປຸ່ນ ໄດ້​ຈັດ​ຕັ້ງ​ທີມ​ງານ​ເຂົ້າ​ມາ​ສຳຫຼວດ​ເພື່ອ​ສຶກ​ສາ​ຂໍ້​ມູນ ຈຳນວນ 2 ຄັ້ງ ເຊິ່ງ​ຄັ້ງ​ທຳ​ອິດ​ເດືອນ​ມີນາ ແລະ ຄັ້ງ​ທີ 2 ເດືອນ​ສິງຫາ 2017 ພາຍຫຼັງ​ສຳເລັດ​ການ​ສຳຫຼວດ ​ທາງ​ທີມ​ງານ​ໄດ້​ປຶກສາ​ຫາລື​ກັບ​ຂະແໜງການ​ກ່ຽວຂ້ອງ ກະຊວງ​ສາທາລະນະ​ສຸກ ກະຊວງການ​ເງິນ ກະຊວງ​ແຜນການ ແລະ ການ​ລົງທຶນ ໂຮງໝໍ​ເຊດ​ຖາທິ​ຣາດ ແລະ ໂຮງໝໍ​ແຂວງ​ຈຳປາ​ສັກ ໂດຍ​ໄດ້​ຮັບ​ການ​ຮ່ວມ​ມືເປັນ​ຢ່າງ​ດີ.

ສຳລັບ​ໂຄງການ​ຊ່ວຍເຫຼືອ​ຄັ້ງ​ນີ້ ໂຮງໝໍ​ເຊດ​ຖາ​ທິ​ຣາດ ປະກອບ​ມີອາຄານ​ກວດ​ເຂດ​ນອກ OPD ແລະ ເຂດ​ສຸກ​ເສີນ ER ເປັນ​ອາຄານ 2 ຊັ້ນ ​ພ້ອມ​ກັບ​ສະໜອງເຄື່ອງ​ອຸປະກອນ​ການ​ແພດ ເຊັ່ນ: ເຄື່ອງ​ຊີ​ທີ-ສະ​ແກນ ເຄື່ອງ​ເອັສເລ ແລະ ອື່ນໆ ສ່ວນ​ໂຮງໝໍແຂວງ​ຈຳປາ​ສັກ ລັດຖະບານ​ຍີ່ປຸ່ນມີ​ແຜນ​ສະໜອງ​ອຸປະກອນການ​ແພດ​ເຄື່ອງ​ຊີ​ທີ-ສະ​ແກນ ແລະ ເຄື່ອງ​ເອັສ​ເລ ໂຄງການ​ນີ້ ຈະ​ປະກອບສ່ວນ​ຍົກ​ຄຸນະພາບການ​ບໍລິການ​ສຸຂະພາບ ແລະ ຍົກ​ລະດັບ​ເນື້ອ​ໃນ​ການ​ເຝິກ​ອົບຮົມ ​ໃຫ້​ແກ່​ບຸ​ຄະລາ​ກອນ​ສາ​ທາລະນະ​ສຸກ​ໃຫ້​ໂຮງໝໍ 2 ແຫ່ງ ໃຫ້ດີ​ຂຶ້ນ ເພື່ອ​ຮັບ​ໃຊ້​ການ​ບໍລິການກວດ ແລະ ປິ່ນປົວ​ຄົນ​ເຈັບ.

ຂ່າວ: ຫນັງສືພິມວຽງຈັນໃຫ່ມ
ຍີ່ປຸ່ນ ຊ່ວຍຍົກລະດັບຄຸນະພາບ ການບໍລິການສຸຂະພາບ Reviewed by makarow on 8:18:00 PM Rating: 5

Contact Form

Name

Email *

Message *

Powered by Blogger.