ຂ່າວດ່ວນ

ຂ່າວອື່ນໆ

random

ດື່ມນ້ຳໝາກຂາມມື້ລະ 1 ຈອກ ຊ່ວຍຫຼຸດນ້ຳໜັກໄດ້


ຮູ້ແບບນີ້ແລ້ວ, ຄົງຈະຖືກໃຈສາວໆຄົນໃດທີ່ກຳລັງຕ້ອງການຢາກຫຼຸດນ້ຳໜັກ ແລະຄົງຈະຮ້ອງວ້າວໆໆໆ!! ເພາະຜ່ານມາ, ທັງອອກກຳລັງກາຍ, ການອາຫານເພື່ອສຸຂະພາບ, ແຕ່ກໍມີອີກຫຼາຍວິທີທີ່ຫຼາຍຄົນໃຊ້ເປັນຕົວຊ່ວຍ ຫຼື ທາງລັດທີ່ຈະຊ່ວຍໃຫ້ການຫຼຸດນ້ຳໜັກເຫັນຜົນໄວ ແລະບໍ່ເມື່ອຍຈົນເກີນໄປ, ຊຶ່ງເທື່ອນີ້ເຮົາກໍມີອີກໜຶ່ງວິທີ່ມາຝາກສາວໆ ໜຸ່ມໆ ພຽງແຕ່ດື່ມນ້ຳໝາກຂາມມື້ລະ 1 ຈອກ ກໍສາມາດຫຼຸດໄດ້ຄືກັນແຖມຍັງປອດໄພອີກດ້ວຍ.


ງ່າຍໆ ພຽງແຕ່ກຽມສ່ວນປະກອບຄື: ໝາກຂາມປຽກ, ນ້ຳຕານຊາຍ, ນ້ຳສະອາດ, ເກືອ, ຈາກນັ້ນກໍລ້າງໝາກຂາມປຽກໃຫ້ສະອາດ ແລະນຳໄປແຊ່ນ້ຳປະໄວ້ 30 ນາທີ ເພື່ອໃຫ້ເນື້ອໝາກຂາມເປືອຍ, ພໍເຖິງ 30 ນທີແລ້ວ ໃຊ້ມືບີບຈົນໝາກຂາມລະລາຍອອກຈາກຝັກ ແລະຕອງເອົາແຕ່ນ້ຳ ເພື່ອຈະໄດ້ນຳໄປຕົ້ມໃນໄຟປານກາງ ຈາກນັ້ນປະສົມນ້ຳສະອາດພໍປະມານ, ພາຍຫຼັງທີ່ຟົດແລ້ວກໍໃຫ້ຫຼຸດລະດັບໄຟລົງແລ້ວຄ້ຽວຕໍ່ 5 ນາທີ ເຕີມນ້ຳຕານຊາຍລົງໄປນ້ອຍໜຶ່ງ ຄົນໃຫ້ນ້ຳຕານລະລາຍ ແລະເກືອລົງນ້ອຍໜຶ່ງ ຄົນອີກຈັກໜ້ອຍແລ້ວປົງລົງປະໄວ້ໃຫ້ເຢັນ ໃສ່ນ້ຳກ້ອນ ກໍດື່ມໄດ້ເລີຍ ຫຼື ບໍ່ໃສ່ກໍໄດ້.


ນອກຈາກນ້ຳໝາກຂາມ ຈະຊ່ວຍຫຼຸດນ້ຳໜັກແລ້ວ ຍັງຊ່ວຍເລື່ອງການຂັບຖ່າຍ, ແກ້ທ້ອງອືດ ເອີ້ໜໄດ້ເປັນຢາລະບາຍອ່ອນໆໄດ້ເລີຍເພາະສຳລັບຜູ້ທີ່ມີບັນຫາເລື່ອງການຂັບຖ່າຍ ແລະໝາກຂາມປຽກຍັງມີຄຸນຄ່າທາງການຢາອີກດ້ວຍ ເຊັ່ນ: ວີຕາມິນຊີສູງ ປ້ອງກັນເລືອດອອກຕາມຮ່ອງແຂ້ວ, ແຄລຊ່ຽມສູງ ບຳລຸງກະດຸກ, ແກ້ໄອ ຂັບຂີ້ກະເທີ ເຮັດໃຫ້ຊຸ່ມຄໍ, ເປັນຢາລະບາຍທ້ອງ ແກ້ທ້ອງຜູກໄດ້ ແລະມີວິຕາມິນເອ ບຳລຸງສາຍຕາ ແລະການເບິ່ງເຫັນ.

ດື່ມນ້ຳໝາກຂາມມື້ລະ 1 ຈອກ ຊ່ວຍຫຼຸດນ້ຳໜັກໄດ້ Reviewed by makarow on 8:29:00 PM Rating: 5

Contact Form

Name

Email *

Message *

Powered by Blogger.