ຂ່າວດ່ວນ

ຂ່າວອື່ນໆ

random

ຜູ້ຍິງ​ຕ້ອງ​ອ່ານ​ 10 ສັນຍາ​ນເຕືອນ​ມະ​ເຮັງ​ປາກ​ມົດລູກ​ ມີ​ອາການ​ເຫຼົ່າ​ນີ້​ຕ້ອງ​ລະ​ວັງ​


ພະຍາດ​ມະ​ເຮັງ​ເປັນ​ສາ​ເຫດ​ຂອງ​ການ​ເສຍຊີວິດ​​ເປັນ​ອັນ​ດັບ​ໜຶ່ງ​ ຮອງ​ລົງ​ມາ​ຄື​ ອຸບັດຕິເຫດ​ ແລະ​ ພະຍາດ​ຫົວ​ໃຈ​ ສຳລັບ​ມະ​ເຮັງ​ໃນ​ຜູ້ຍິງລາວ​ ມະ​ເຮັງ​ທີ່​ເປັນ​ສາ​ເຫດ​ຂອງ​ການ​ເສຍຊີວິດຫຼາຍ​ທີ່ສຸດ​ຄື​ມະ​ເຮັງ​ປາກ​ມົດລູກ​ ຈາກ​ລາຍ​ງານ​ຂອງ​ສຳ​ນັກ​ງານ​ວິໄ​ຈ​ມະ​ເຮັງ​ນານາ​ຊາດ​ພົບ​ວ່າ​
ໃນ​ປີ ພ.​ສ.​ 2544 ໃນປະເທດ​​ມີ​ຜູ້​ປ່ວຍ​ມະ​ເຮັງ​ປາກ​ມົດລູກ​​ປີ​ລະ​ 6,192 ຄົນ​ ເສຍຊີວິດ​ 3,166 ຄົນ​ ຫຼື​ປະ​ມານ​ຮ້ອຍ​ລະ​ 50

ຖ້າ​ຄິດໄລ່​ແລ້ວ​ຈະ​ມີຜູ້ຍິງ​ເສຍຊີວິດ​ຈາກ​ມະ​ເຮັງ​ປາກ​ມົດລູກ​ມື້​ລະ​ເກືອບ​ 9 ຄົນ​ມະ​ເຮັງ​ປາກ​ມົດລູກ​ພົບ​ຫຼາຍ​ທີ່ສຸດ​ໃນ​ພາກ​ເໜືອ​ເມື່ອ​ປຽບທຽບ​ກັບ​ພາກ​ອື່ນ​ໆ​ມະ​ເຮັງ​ປາກ​ມົດລູກ​ເປັນ​ມະ​ເຮັງ​ທີ່​ສາມາດ​ປ້ອງ​ກັນ​ໄດ້​ແລະ​ສາມາດ​ກວດ​ຫາ​ຄວາມ​ຜິດ​ປົກກະຕິ​ໄດ້​ຕັ້ງ​ແຕ່ໄລຍະ​ກ່ອນ​ມະ​ເຮັງ​ ຊຶ່ງ​ການ​ຮັກສາ​ໄດ້​ຜົນ​ດີີ​

10 ສັນຍາ​ນ​ເຕືອນ​ ມະ​ເຮັງ​ປາກ​ມົດລູກ​ ທີ່​ເຈົ້າ​ບໍ່​ຄວນ​ເບິ່ງຂ້າມ​
1. ມີ​ເລືອດ​ອອກ​ຜິດ​ປົກກະຕິ​ ທີ່​ບໍ່​ແມ່ນ​ປະຈຳ​ເດືອນ​
ເຊັ່ນ​ ເລືອດ​ອອກ​ຫຼັງ​ຈາກ​ມີ​ເພດ​ສຳພັນ​ ມີ​ເລືອດ​ອອກ​ຫຼັງ​ຈາກ​ໝົດ​ປະ ຈຳ​ເດືອນ​ແລ້ວ​ ເລືອດ​ອອກ​ເປັນ​ໄລຍະ ເລືອດ​ອອກ​ຫຼັງ​ຈາກ​ກວດ​ພາຍ​ໃນ​

2. ເລືອດ​ອອກ​ຫຼັງ​ໄວທອງ​
ເຊັ່ນ​ ຍິງໄວ 55 ປີ​ ໝົດ​ປະຈຳ​ເດືອນ​ໄປ​ 3 ປີ​ ແລ້ວ​ມີ​ເລືອດ​ອອກຈາກ​ຊ່ອງຄອດ​ອີກ​ ແບບນີ້​ຄວນ​ຟ້າວປຶກ​ສາ​ແພດ​
3. ຕົກ​ຂາວ​ຜິດ​ປົກກະຕິ​
ອາການ​ຕົກ​ຂາວ​ຂອງ​ຜູ້ຍິງ​ແຕ່​ລະ​ຄົນ​ອາດຈະ​ບໍ່​ຄືກັນ​ ການ​ຈະ​ສັງເກດ​ວ່າ​ອາການ​ຕົກ​ຂາວ​ຜິດ​ປົກກະຕິ​ຫຼືບໍ່​ ໃຫ້​ໃຊ້​ວິທີ​ສັງເກດ​ຈາກ​ອາການ​ທີ່​ແຕກ​ຕ່າງ​ທີ່​ຕົນເອງ​ເຄີຍ​ເປັນ​ມາ​ ເຊັ່ນ​ ຕົກ​ຂາວ​ທີ່​ຜິດ​ປົກກະຕິ​ຈະ​ມີ​ລັກ ສະນະ​ເປັນ​ໜອງ​ ກິ່ນ​ເໝັນ​ຫຼືມີ​ລັກສະນະ​ຄ້າຍ​ນ້ຳ​ໄຫຼ​ອອກ​ມາ​ຈາກ​ຊ່ອງຄອດ​ ອາການ​ຕົກ​ຂາວ​ຊຶ່ງ​ອາດຈະ​ມີ​ເລືອດ​ປົນ​

4. ຍ່ຽວ​ຂັດໆ​ຍ່ຽວບໍ່ຢາກອອກ ປວດ​ແສບ​
ອາການ​ປວດ​ແສບ​ ຍ່ຽວ​ຂັດໆ​ ອາດ​ເປັນ​ສັນຍາ​ນຂອງ​ມະ​ເຮັງ​ປາກ​ມົດລູກ​ໄດ້​ ແນວໃດ​ກໍ​ຕາມ​ ອາການ​ຍ່ຽວ​ຂັດ​ ອາດ​ເກີດ​ຂຶ້ນ​ໄດ້​ສະເໝີ​ຈາກ​ການ​ຕິດ​ເຊື້ອ​ໃນ​ທໍ່​ຍ່ຽວ​ ແລະ​ພົບ​ໄດ້​ເລື້ອຍ​ຊຶ່ງຍັງ​ຖື​ວ່າ​ບໍ່​ໄດ້​ຊີ້​ແຈ້ງ​ເລື່ອງ​ມະ​ເຮັງ​ປາກ​ມົດລູກ​ ພຽງ​ແຕ່​ບໍ່​ຄວນ​ປະ​ມາດ​ແລະ​ສັງເກດ​ອາການ​ອື່ນ​ຮ່ວມ​ດ້ວຍ​

5. ມີ​ອາການ​ເຈັບ​ຂະນະ​ຮ່ວມ​ເພດ​
ອາການ​ເຈັບ​ຂະນະ​ຮ່ວມ​ເພດ​ ອາ​ດຈະ​ເປັນ​ສັນຍາ​ນ​ຂອງ​ມະ​ເຮັງ​ປາກ​ມົດລູກ​ໄ​ດ້ຄືກັນ​
6. ປະຈຳ​ເດືອນ​ມາ​ຫຼາຍ​ແລະ​ດົນ​ຜິດ​ປົກກະຕິ​
ສັງເກດ​ຈາກ​ການ​ມີ​ປະຈຳ​ເດືອນ​ຕາມ​ປົກກະຕິ​ ຫາກ​ມີ​ມາຫຼາຍກວ່າ​ທີ່​ເຄີຍ​ເປັນ​ແລະ​ດົນ​ກວ່າ​ທີ່​ເຄີຍ​ເປັນ​ ອາດ​ເປັນ​ສັນຍາ​ນ​ຂອງ​ມະ​ເຮັງ​ປາກ​ມົດລູກ​ໄດ້​

7. ກັ້ນ​ຍ່ຽວ​ບໍ່​ຢູ່​
ບັນຫາ​ການ​ກັ້ນ​ຍ່ຽວ​ບໍ່​ຢູ່​ ເປັນ​ປະ​ເດັນ​ສຳຄັນ​ອີກໜຶ່ງ​ ເພາະ​ຈາກ​ສ​ະຖິ​ຕິ​ຜູ້​ປ່ວຍ​ມະ​ເຮັງ​ປາກ​ມົດລູກ​ ມັກ​ຈະ​ຈຳ​ໄດ້​ວ່າ​ເຄີຍ​ມີ​ອາການ​ກັ້ນ​ຍ່ຽວ​ບໍ່​ຢູ່​ ແລະ​ມີ​ເລືອດ​ປົນ​ໃນ​ຍ່ຽວ​
8. ເຈັບ​ປວດ​ຕາມ​ຮ່າງກາຍ​
ສັນຍາ​ນ​ທົ່ວ​ໄປ​ຂອງ​ມະ​ເຮັງ​ປາກ​ມົດລູກ​ຄື​ ອາການ​ເຈັບ​ປວດ​ຕາມ​ຮ່າງ ກາຍ​ແລະ​ເນັ້ນ​ໂດຍ​ສະເພາະ​ ຂາ​ ຫຼັງ​ ຜູ້​ປ່ວຍ​ມະ​ເຮັງ​ປາກ​ມົດລູກ​ມັກ​ຈະ​ມີ​ປະຫວັດ​ວ່າ​ເຄີຍ​ມີ​ອາການ​ເຫຼົ່າ​ນີ້​ ເນື່ອງ​ຈາກ​ມະ​ເຮັງ​ທີ່​ແຜ່ກະ​ຈາຍ​ສົ່ງ​ຜົນ​ຕໍ່​ລະບົບ​ການ​ໝູນ​ວຽນ​ຂອງ​ກະ​ແສ​ເລືອດ​

9. ອ່ອນ​ເພຍ​ ເມື່ອຍ​ງ່າຍ​
ອາການ​ອ່ອນ​ເພຍ​ ເມື່ອຍ​ງ່າຍ​ ອາດ​ເປັນ​ສັນຍາ​ນ​ເຕືອນ​ໄດ້​ ໂດຍ​ສະ ເພາະ​ຫາກ​ມີ​ອາການ​ອື່ນ​ໆ​ຕາມ​ທີ່ກ່າວ​ມາ​ຂ້າງ​ຕົ້ນ​ຮ່ວມ​ດ້ວຍ​ ເມື່ອ​ມີ​ມະ​ເຮັງ​ແຜ່ຂະຫຍາຍ ລະບົບ​ການ​ຮັກສາ​ສົມ​ດຸນ​ຂອງ​ຮ່າງກາຍ​ຈະ​ເຮັດວຽກ​ຢ່າງ​ໜັກ​ເພື່ອ​ການ​ຕໍ່​ຕ້ານ​ແລະ​ກຳຈັດ​ອອກ​ໄປ​

10. ນ້ຳ​ໜັກຫຼຸດ​ບໍ່​ຮູ້​ສາ​ເຫດ​
ຕາມ​ປົກກະຕິ​ຮ່າງກາຍ​ຈະ​ສ້າງ​ໂປຼຣ​ຕິນ​ນ້ອຍ​ໆ​ຊື່​ວ່າ​ cytokines ເຮັດ​ຫນ້າທີ່​ກຳຈັດ​ໄຂ​ມັນ​ສ່ວນ​ເກີນ​ເພື່ອ​ບໍ່​ໃຫ້​ມີ​ຫຼາຍ​ເກີນ​ກວ່າ​ລະ​ດັບ​ປົກກະຕິ​ ແລະ​ກໍລະນີ​ດຽວ​ກັນ​ນີ້​ ເມື່ອ​ເກີດ​ມະ​ເຮັງ​ ຮ່າງກາຍ​ກໍ​ຈະ​ສ້າງ​ກົນ​ໄກ​ແບບ​ດຽວ​ກັນ​ນີ້​ ທັງ​ທີ່​ເຈົ້າ​ບໍ່​ໄດ້​ອົດ​ອາຫານ​ ຈຶ່ງ​ເຮັດໃຫ້​ນ້ຳ​ໜັກ​ຫຼຸດ​ແລະ​ຮ່າງກາຍ​ຈ່ອຍ​ໄດ້​
ຈາກ​ທີ່ກ່າວ​ມາ​ຂ້າງ​ຕົ້ນ​ ການ​ສັງເກດ​ຄວນ​ເບິ່ງ​ອົງ​​ປະກອບ​ຫຼາຍ​ໆ​ຂໍ້​ ຫາກ​ພົບ​ວ່າ​ມີ​ສັນຍາ​ນ​ກົງ​ກັບຫຼາຍໆຂໍ້​ ໃຫ້​ໄປປຶກສາທ່ານໝໍ​
ຜູ້ຍິງ​ຕ້ອງ​ອ່ານ​ 10 ສັນຍາ​ນເຕືອນ​ມະ​ເຮັງ​ປາກ​ມົດລູກ​ ມີ​ອາການ​ເຫຼົ່າ​ນີ້​ຕ້ອງ​ລະ​ວັງ​ Reviewed by makarow on 10:04:00 PM Rating: 5

Contact Form

Name

Email *

Message *

Powered by Blogger.