ຂ່າວດ່ວນ

ຂ່າວອື່ນໆ

random

ມາສັງເກດເບິ່ງ 10 ຂໍ້ ທີ່ເປັນສັນຍານບົ່ງບອກວ່າເຈົ້າກຳລັງຫຼົງມັກເຂົາໄປແລ້ວ.


1. ມັກສົນໃຈໃນເລື່ອງຂອງເຂົາເປັນພິເສດ.
ບໍ່ວ່າເຂົາຈະເຮັດຫຍັງ, ໄປໃສ, ໂພສຫຍັງລົງ… ເຈົ້າກໍ່ຈະຮູ້ ແລະ ມັກລັກໄປເບິ່ງການເຄື່ອນໃຫວຂອງເຈົາເປັນປະຈຳ.
2. ເລີ່ມມີອາການຫຶງຫວງ.
ເມື່ອມີຄົນອື່ນມາລົມມາຈີບເຂົາ, ເຈົ້າກໍ່ຈະອອກອາການບໍ່ພໍໃຈ,​ ບໍ່ມັກໃຫ້ໃຜມາຈີບມາລົມ ອັນນັ້ນລະເອີ້ນຫຶງຫວງ

3. ປະທັບໃຈທຸກຢ່າງທີ່ເປັນເຂົາ.
ບໍ່ວ່າເຂົາຈະມີຜົນງານໃດໆອອກມາ ເຈົ້າມັກຈະປະທັບໃຈຕາງລາວ, ຈົນກະທັງ ປະທັບໃຈຮອດຄຳເວົ້າ ແລະ ຮອຍຍິ້ມຂອງລາວ, ສາຍຕາລາວທີ່ແນມມາ.
4. ຢາກຢູ່ໄກ້ໆເຂົາຫຼາຍຂື້ນ.
ເວລາເຂົານັ່ງຢູ່ໃສ, ໄປທາງໃດ, ເຈົ້າມັກຈະຢາກໄປນັ່ງໄກ້ໆ ໄປຢູ່ໄກ້ໆລາວ ປະເພດແບບວ່າ ບໍ່ຢາກໃຫ້ລາວໄປລັບສາຍຕາ.

5. ຮູ້ສຶກດີເວລາໄປໃສນຳກັນ.
ເວລາໄປໃສ,​ ໄປທາງໃດ ທີ່ມີລາວໄປນຳ ຈະຮູ້ສຶກດີທຸກຄັ້ງ, ມື້ໃດໄປແບບບໍ່ມີລາວຈະຮູ້ສຶກຫົດຫູ່ແບບແປກໆ
6. ຄິດຮອດເຂົາຢູ່ສະເໝີ.
ເວລາໄປສະຖານທີ່ໃດ, ເຄີຍໄປກິນເຂົ້າຮ້ານໃດ, ນັ່ງຢູ່ໃສ.. ໃນບ່ອນທີ່ເຄີຍເຫັນລາວຢູ່ທີ່ນັ້ນເຮົາຈະມີຄວາມຄິດຮອດເລັກໜ້ອຍຫາປານກາງ. ທຸກໆການເຄື່ອນໃຫວຂອງລາວ, ຖ້າລາວໄປໃສ ສະຖານທີ່ໃດ ກໍ່ຈະມີຄວາມຄິດຮອດລາວ

7. ຢາກລົມນຳ ທັງໆທີ່ບໍ່ຮູ້ຈະລົມຫຍັງ.
ປະເພດແບບວ່າ ຢາກລົມນຳລາວຕະຫຼອດ ທັງໆທີ່ບາງທີລາວກໍ່ບໍ່ໄດ້ຕອບຫຍັງມາຫຼາຍ ແຕ່ກໍ່ບໍ່ຢາກຢຸດການສົນທະນາ ເລີຍຫາທາງແຊັດນັ້ນແຊັດນີ້ ເອົາເລື່ອງນັ້ນເລື່ອງນີ້ຍົກຂື້ນມາເພຶ່ອຈະຢາກລົມນຳລາວ.

8. ເຮັດດີ, ຄິດດີກັບເຂົາສະເໝີ.
ບໍ່ວ່າຈະເປັນເລື່ອງຫຍັງ ທີ່ເຂົາຂໍໃຫ້ຊ່ວຍ ເຮົາກໍ່ຢາກຈະເຂົ້າໄປຊ່ວຍສະເໝີ. ຫຼື ຖ້າລາວເຮັດຍັງຜິດໄປ ເຮົາກໍ່ຈະຄິດເຂົ້າຂ້າງວ່າເຂົາບໍ່ໄດ້ຜິດສະເໝີ.

9. ຮູ້ສຶກບໍ່ດີກັບຄົນຮັກເກົ່າຂອງເຂົາ.
ສົມມຸດລາວເຄີຍມີແຟນແລ້ວເລີກກັນໄປ ຫຼື ເຫັນເຂົາມາເວົ້ານຳກັນ ເຮົາກໍ່ຈະມີຄວາມຫງຸດຫງິດ ຮູ້ສຶກບໍ່ດີກັບຄົນຮັກເກົ່າຂອງລາວ ທັງໆທີ່ເຂົາບໍ່ໄດ້ກັບມາລົມກັນກໍ່ຕາມ.

10. ເປັນຫວ່ງເຂົາຢູ່ສະເໝີ.
ເວລາທີ່ເຂົາບໍ່ສະບາຍ ຫຼື ມີບັນຫາຫຍັງ. ຈິດໃຈເຮົາຈະບໍ່ຢູ່ກັບເນື້ອກັບໂຕ,​ຈະເປັນຫວ່ງເຂົາຕະຫຼອດເວລາ.
ທັງ 10 ຂໍ້ທີ່ເວົ້າມາຂ້າງເທິງນີ້ ແຟນເພສເຮົາຖືກກັບຂໍ້ໃດແນ່, ຖ້າຖືກຫຼາຍຂໍ້ແປວ່າກຳລັງຫຼົງຮັກຄົນນັ້ນໄປແລ້ວ. ລະກະຫາທາງບອກໄປສະ ເພື່ອຄວາມສະບາຍໃຈ.
ມາສັງເກດເບິ່ງ 10 ຂໍ້ ທີ່ເປັນສັນຍານບົ່ງບອກວ່າເຈົ້າກຳລັງຫຼົງມັກເຂົາໄປແລ້ວ. Reviewed by makarow on 12:49:00 AM Rating: 5

Contact Form

Name

Email *

Message *

Powered by Blogger.