ຂ່າວດ່ວນ

ຂ່າວອື່ນໆ

random

4 ຫຼັກ “ວິທີຄິດຂອງຄົນລວຍ” ຄວາມລັບທີ່ເປັນເຫດຜົນວ່າເປັນຫຍັງຄົນລວຍມີພຽງແຕ່ 1% ຂອງປະຊາກອນທັງໂລກ


ວິທີຄິດນັ້ນກໍ່ສົ່ງຜົນຕໍ່ການດຳເນີນຊີວິດປະຈຳວັນ ເຄີຍສົງໄສກັນບໍ່ວ່າ ເປັນຫຍັງຄົນລວຍໆ ເຂົາເຮັດແບບໃດທີ່ບໍ່ຄືກັບເຮົາ ນັ້ນເປັນເພາະວ່າເຂົາໄດ້ຄົ້ນພົບວິທີຄິດແບບຄົນລວຍແລ້ວ ເຊິ່ງເປັນເລື່ອງທີ່ບໍ່ໄດ້ສອນຢູ່ໃນໂຮງຮຽນ ເປັນຄວາມລັບທີ່ເປັນເຫດຜົນວ່າເປັນຫຍັງຄົນລວຍມີພຽງແຕ່ 1% ຂອງປະຊາກອນໂລກ

1. ຄົນລວຍເນັ້ນພັດທະນາຈຸດແຂງຂອງຕົນເອງຫຼາຍກວ່າຈຸດດ້ອຍ: ໝາຍຄວາມວ່າຄົນເຮົາຄວນເກັ່ງດ້ານໃດດ້ານໜຶ່ງໃຫ້ສຸດໆ ລອງຊອກຫາຈຸດແຂງຂອງຕົນເອງໃຫ້ໄດ້ ຄົ້ນຫາຕົນເອງໃຫ້ເຈິແລ້ວເຮັດມັນໃຫ້ດີທີ່ສຸດ ເຮົາບໍ່ຈຳເປັນຕ້ອງເກັ່ງທຸກຢ່າງ ຄົນເກັ່ງແທ້ດ້ານດຽວກໍ່ຫາກິນໄດ້ຈົນຕາຍ ສິນລະປິນດາລານັກຮ້ອງຊຸບເປີສະຕາ ຮ້ອງເພງອອກຄອນເສີດໜັກໆ ແຕ່ຊ່ວງໄວລຸ້ນແຕ່ກໍ່ມີເງີນໃຊ້ໄປເຖິງກະສຽນ ນັກຂຽນນິຍາຍ ຕັ້ງໃຈທຸ່ມເທຂຽນໃຫ້ເປັນທີ່ນິຍົມພຽງເລື່ອງດຽວກໍ່ຫາກິນໄດ້ທັງຊີວິດ

2. ຊອກວິທີຫາເງີນຫຼາຍກວ່າການຫາວິທີປະຢັດຫຼືການເກັບອອມ: ຄວາມຈິງຂໍ້ໜຶ່ງຄື ບໍ່ມີເສດຖີທ່ານໃດລ້ຳລວຍຈາກການປະຢັດ ເພາະຄວາມລວຍເກີດຈາກການລົງທືນແລະໃຊ້ເວລາທັງສິ້ນ ແຕ່ກໍ່ບໍ່ໄດ້ໝາຍຄວາມວ່າເອົາເງີນໃຊ້ຈ່າຍຟຸມເຟືອຈົນບໍ່ມີເງີນເຫຼືອໄວ້ລົງທືນ ແມ່ນຢູ່ວ່າເສດຖີສ່ວນໃຫຍມີນິໄສປະຢັດ ນັ້ນກໍ່ເພາະພວກເຂົາຄິດສະເໝີວ່າເຂົາປະຢັດນັ້ນສາມາດເອົາໄປລົງທືນໃຫ້ງອກເງີຍໄດ້ອີກ ການອອມເປັນສິ່ງທີ່ສຳຄັນແຕ່ຢ່າລືມວ່າເມັດພັນທີ່ເອົາໄວ້ໃນຖົງບໍ່ມີວັນງອກເງີຍໄດ້ ແລະຢ່າຫວັງລວຍຈາກການເກັບເງີນໄວ້ໃນບັນຊີອອມຊັບ

3. ເວລາເປັນຂອງມີຄ່າ ຢ່າໃຊ້ຟຸ່ມເຟືອ: ຄົນລວຍບໍ່ເສຍເວລາກັບເລື່ອງທີ່ໄຮ້ສາຫຼະ ຕິດຕາມຂ່າວສານການເມືອງເພື່ອປັບໂຕໃຫ້ທັນສະໄໝ ແຕ່ຢ່າສົນໃຈເລື່ອງຊາວບ້ານຈົນເກີນພໍດີ ຫຼືມົວແຕ່ຫາຄວາມບັນເທິງຈົນລືມພັດທະນາຕົນເອງ ເວລາເປັນຂອງມີຄ່າຢ່າຂ້າເວລາໄປລ້າໆໂດຍບໍ່ໄດ້ຫຍັງກັບມາ ແຕ່ຢ່າຫັກໂຫມຈົນບໍ່ໄດ້ພັກຜ່ອນ ເພາະການພັກຜ່ອນທີ່ພຽງພໍຕາມທີ່ຮ່າງກາຍຕ້ອງການຖືເປັນການໃຊ້ເວລາທີ່ຄຸ້ມຄ່າເຊັ່ນກັນ ຫາກວ່າສຸຂະພາບພັງເພາະຂາດການພັກຜ່ອນຈົນເຮັດວຽກຕໍ່ບໍ່ໄດ້ ກໍ່ບໍ່ຄຸ້ມຄ່າເລີຍ

4. ຄົນລວຍປະຕິເສດເກັ່ງສ່ຳກັບການຕອບຕົກລົງ:
ໝາຍຄວາມວ່າ ຄົນເຮົາຄວນປະຕິເສດ ຫາກມີໃຜຊວນມາເຮັດໃຫ້ທີ່ບໍ່ຢູ່ໃນເປົ້າໝາຍຂອງເຮົາກໍ່ຄວນປະຕິເສດໄປ ການຕອບປະຕິເສດຄົນອື່ນບາງຄັ້ງກໍ່ເປັນການຕອບຕົກລົງກັບຕົນເອງ ສັງຄົມເຮົາມັກມີນິໄສເກງໃຈ ເຮັດໃຫ້ຕົກເປັນເຫຍື່ອຕໍ່ຄົນຫວັງຜົນປະໂຫຍດໄດ້ງ່າຍ
ປະຕິເສດຄົນບໍ່ເປັນ ຊີວິດລຳບາກແນ່ນອນ ຫາກມີເປົ້າໝາຍທີ່ຊັດເຈນການປະຕິເສດສິ່ງທີ່ຢູ່ນອກເໜືອເປົ້າໝາຍຂອງເຮົາກໍ່ຈະງ່າຍຂື້ນ

ຖ້າມີໃຜມາຊັກຊວນໃຫ້ໄປຂາຍຫຍັງຈັກຢ່າງ ແລ້ວເຮຕາມໄປລົງທືນນຳໝົດໂດຍບໍ່ວິເຄາະວ່າມັນກົງກັບເປົ້າໝາຍເຮົາຫຼືບໍ່ ປ່ອຍໃຫ້ຄວາມໂລບຄອບງຳກໍ່ອາດຈະເຮັດໃຫ້ເຮົາເສຍຫຼັກໄດ້ ຖ້າເຈົ້າເຮັດຫຍັງໄດ້ດີ ຢ່າເຮັດສິ່ງນັ້ນຟຣີໆໃຫ້ກັບໃຜເຊັ່ນມັກມີຍາດສະນິດມິດສະຫາຍຂໍໃຫ້ເຮັດຟຣີໆ ເມື່ອມີຄັ້ງທີ່ໜຶ່ງແລ້ວກໍ່ອາດມີຄັ້ງທີ່ສອງສາມສີ່ ທຸກຢ່າງມີຄ່າໃຊ້ຈ່າຍໝົດ ຄົນທີ່ບໍ່ເຮັດອາຊີບດຽວກັບເຈົ້າບໍ່ມີທາງຮູ້ດອກວ່າເຈົ້າລົງທືນຫຍັງໄປແນ່ ນ້ຳໃຈມີໃຫ້ກັນໄດ້ ແຕ່ຈົ່ງມີໃຫ້ຢ່າງພໍດີ ແລະມີນ້ຳໃຈໃຫ້ຖືກຄົນນຳ ບໍ່ເຊັ່ນນັ້ນຈະຖືກເອົາປຽບ

ການທີ່ຕົນເອງເຂົ້າໄປໃນ 1% ນັ້ນໄດ້ ເຈົ້າຈະຕ້ອງປ່ຽນຄວາມຄິດຂອງຕົນເອງໃຫ້ຄືກັບຄົນລວຍເສຍກ່ອນ
4 ຫຼັກ “ວິທີຄິດຂອງຄົນລວຍ” ຄວາມລັບທີ່ເປັນເຫດຜົນວ່າເປັນຫຍັງຄົນລວຍມີພຽງແຕ່ 1% ຂອງປະຊາກອນທັງໂລກ Reviewed by makarow on 6:46:00 PM Rating: 5

Contact Form

Name

Email *

Message *

Powered by Blogger.