ຂ່າວດ່ວນ

ຂ່າວອື່ນໆ

random

4 ວິທີເຮັດໃຫ້ໜ້າເດັກ ອ່ອນກວ່າໄວ ແບບເຫັນຜົນ


ຕອນ​ເຮົາ​ເປັນ​ເດັກ​ນ້ອຍ ເຮົາ​ມີ​ຜິວ​ທີ່​ນຸ່ມ​ຊຸ່ມຊື່ນ​ ໜ້າ​ສຳ​ຜັດ​ ແຕ່​ເມື່ອ​ໃຫຍ່​ຂຶ້ນ​ ຜິວ​ຂອງ​ເຮົາ​ກໍ່ປ່ຽນ​ໄປ​ ຊຶ່ງ​ນັ້ນ​ກໍ​ເປັນ​ຜົນ​ມາ​ຈາກ​ສະພາບ​ແວດ​ລ້ອມ​ ແລະ ​ການ​ດຳ​ເນີນ​ຊິ​ວິດ​ ຫາກ​ເຮົາ​ເລືອກ​ໃຊ້​ຊີວິດ​ ໂດຍ​ໃສ່​ໃຈ​ໃນ​ເລື່ອງ​ສຸຂະພາບ ບັນຫາ​ຜິວ​ທີ່​ຢາບ​​ ກໍ​ຈະ​ບັນ​ເທົາ​ເບົາ​ບາງ​ລົງ​ ລອງ​ມາ​ເບິ່ງ​ເທັກ​ນິກ​ກັນ​ວ່າ​ ເຮົາ​ຈະ​ສາມາດ​ຮັກສາ​ໃຫ້​ຜິວ​ໜ້າ​ຂອງ​ເຮົາ​ນຸ່ນ​ນວນ​ຄື​ຜິວ​ເດັກ ນ້ອຍ​ໄດ້​ແນວໃດ​ແນ່

1. ຮັກສາ​ສຸຂະພາບ​ຜິວ​
– ປົກ​ປ້ອງ​ຜິວ​ຈາກ​ແສງ​ແດດ​ ທາກຄຣີມ​ກັນ​ແດດ​ ມອຍ​ເຈີ​ຣ໌​ໄຣ​ເຊີ​ຣ໌​ ຫຼື ​ເຄື່ອງ​ສຳອາງ​ ທີ່​ມີ​ສ່ວນ​ປະສົມ​ຂອງ​ SPF 15 ຂຶ້ນ​ໄປ​ ເພື່ອ​ປ້ອງ​ກັນ​ຜິວ​ບໍ່​ໃຫ້​ແກ່​ກ່ອນ​ໄວ​ ນອກ​ຈາກ​ນີ້​ ຍັງມີ​ຄວາມ​ເຊື່ອ​ອີກ​ວ່າ​ ຄົນທີ່​ມີ​ຜິວ​ເຂັ້ມ​ ຜິວ​ຈະ​ທົນ​ທານ​ຕໍ່​ແສງ​ແດດ​ໄດ້​ດີກວ່າ​ຜິວ​ຂາວ​ ນອກ​ຈາກ​ນັ້ນ​ ໃຫ້​ລະ​ມັດ​ລະ​ວັງ​ການ​ອອກ​ກຳ​ລັງ​ກາຍ​ພາຍໃຕ້​ແດດ​ແຮງ​ໆ​ ບໍ່​ວ່າ​ເຈົ້າ​ຈະ​ມີ​ສີ​ຜິວ​ໂທນ​ໃດ​ກໍ​ຕາມ​ແຕ່

– ຢ່າ​ໃຫ້​ຮ່າງກາຍ​ຂາດ​ນ້ຳ​ ເພາະ​ນ້ຳ​ເຮັດໃຫ້​ຜິວ​ນຸ່ມ​ຊຸ່ມຊື່ນ ຜູ້ຍິງຄວນ​ດື່ມ​ນ້ຳ​ຢ່າງ​ນ້ອຍ​ມື້​ລະ​ 9 ຈອກ​ ໃນ​ຂະນະ​ທີ່​ຜູ້​ຊາຍ​ຄວນ​ດື່ມ​ຢ່າງ​ນ້ອຍ​ມື້​ລະ​ 13 ຈອກ​ ຫຼີກ​ລ້ຽງ​ການ​ດື່ມ​ກາ​ເຟ​ ແລະ ເຄື່ອງດື່ມທາເເຫຼົ້າ​ ຊຶ່ງ​ຈະ​ເຮັດໃຫ້​ຮ່າງກາຍ​ຂາດ​ນ້ຳ​ ແຕ່​ຫາກ​ເຈົ້າ​ເປັນ​ຄົນທີ່​ຕ້ອງ​ດື່ມ​ກາ​ເຟ​ ກໍ່​ໃຫ້​ດື່ມ​ນ້ຳ​ຕາມ​ຫຼັງ​ຈາກ​ດື່ມ​ກາ​ເຟ​ ຫຼື​ ເຄື່ອງ​ດື່ມ​ທາດເຫຼົ້າ​ດ້ວຍ​
– ຄວບ​ຄຸມ​ອາຫານ​ຢ່າງ​ສົມ​ດຸນ​​ ການ​ທີ່​ຜິວ​ຈະ​ມີ​ສຸຂະພາບ​ດີ​ໄດ້​ນັ້ນ​ ຕ້ອງ​ໄດ້ຮັບ​ອາຫານ​ທີ່​ມີປະ​ໂຫຍດ​​ ລວມ​ທັງ​ພວກ​ໄຂ​ມັນ​ດີ​ຕ່າງໆ​ ເຊັ່ນ ​ກົດ​ໄຂ​ມັນ​ໂອ​ເມ​ກ້າ​ 3 ປາ​ ໄຂ່​ ຖົ່ວ​ ນົມ​ເນີຍ​ ແຕ່​ຖ້າ​ຫາກ​ຜິວ​ໜັງ​ມີ​ຮູ​ຂຸມ​ຂົນ​ກວ້າງ​ ຫຍາບ​ກະ​ດ້າງຫຼາຍ​ ອາດຈະ​ຕ້ອງ​ລອງ​ທົດສອບ​ອານຫານ​ທີ່​ເຮັດໃຫ້​ເກີດ​ອາການ​ແພ້​​

– ຢູ່ໃນ​ສະພາບ​ອາ​ກາດ​ທີ່​ດີ​ ມີ​ຄຸນນະພາບ​ ເພາະ​ຜິວ​ກໍ​ຕ້ອງ​ສຳຜັດ​ກັບ​ອາ​ກາດ​ພາຍນອກ​ ນອກ​ຈາກ​ການ​ຫຼີກ​ລ້ຽງ​ມົນລະ​ພິດ​ແລ້ວ​ ກໍ​ບໍ່​ຄວນ​ສູບ​ຢາ ຫຼື​ ຢູ່ໃນ​ສະພາບ​ແວດ​ລ້ອມ​ທີ່​ມີ​ຜູ້​ສູບ​ຢາ​ ເພາະ​ຈະ​ເຮັດໃຫ້​ຜິວ​ແຫ້ງ​ຫຍາບ​ກ້ານ​ ຫາກ​ຢຸດ​ການ​ສູບ​ຢາໄດ້​ຈະ​ເຫັນ​ຜົນໄດ້​ຢ່າງ​ຊັດເຈນ​ວ່າ​ຜິວ​ນຸ່ມ​ຂຶ້ນ​ ນອກ​ຈາກ​ນັ້ນ​ ຄວນ​ຈະໃຫ້​ຄວາມ​ຊຸ່ມ​ຊື້ນ​ແກ່​ຜິວ​ດ້ວຍ​ການ​ຫຼີກ​ລ້ຽງ​ການ​ຢູ່ໃນ​ສະພາບ​ອາ​ກາດ​ແຫ້ງ​ ແລະ​ ໃຊ້​ມອຍ​ເຈີ​ຣ໌​ໄຣ​ເຊີ​ຣ໌​ບຳ​ລຸງ​ຜິວ

2. ການ​ລ້າງ​ໜ້າ​
– ຫາ​ຜະລິດຕະພັນ​ລ້າງ​ໜ້າທີ່​ເໝາະ​ກັບ​ສະພາບ​ຜິວ​ ສະ​ບູບາງ​ຊະນິດ​ອາດ​ຈະ​ເຮັດໃຫ້​ຜິວ​ແຫ້ງ​ ແລະ ​ຜິວ​ໜ້າ​ກໍ່​ມີ​ຄວາມ​ບອກ​ບາງ​ກວ່າ​ຜິວ​ບໍລິເວນ​ອື່ນໆ​ ດັ່ງ​ນັ້ນ​ ຈຶ່ງ​ຄວນ​ໃຊ້​ຜະລິດ ຕະພັນ​ເພື່ອ​ຜິວ​ໜ້າ​ໂດຍ​ສະເພາະ​ເພື່ອ​ໃຫ້​ໜ້າ​ນຸ່ມ​ ແລະ ​ມີ​ສຸຂະພາບ​ດີ​ ອາດຈະ​ເລືອກ​ຄຣີມ​ລ້າງ​ໜ້າ​ ທີ່​ມີມ​ອຍ​ເຈີ​ຣ໌​ໄຣ​ເຊີ​ຣ໌​ ສຳລັບ​ຜູ້​ທີ່​ມີ​ຜິວ​ແຫ້ງ​ ແຕ່​ຫາກ​ເປັນ​ຄົນ​ຜິວ​ມັນ​ ກໍ​ເລືອກ​ຄລີນ​ເຊີ​ຣ໌​ ສຳລັບ​ຄົນ​ຜິວ​ມັນ​ໂດຍ​ສະເພາະ​ ແລະ ​ຄວນ​ໃຊ້​ຜະລິດຕະພັນ​ສຳລັບ​ການ​ລ້າງ​ເຄື່ອງ​ສຳອາງ​ ເຮັດ​ຄວາມ​ສະ​ອາດ​ເຄື່ອງ​ສຳອາງ​ໃຫ້​ໝົດ​ທຸກ​ເທື່ອ​

– ກ່ອນ​ລ້າງ​ໜ້າ​ ໃຫ້​ລ້າງ​ມື​ກ່ອນ​ສະເໝີ​ ເພາະ​ນິ້ວ​ມື​ຂອງ​ເຮົາ​ນັ້ນ​ ມັກ​ຈະ​ສົກກະປົກ​ກວ່າ​ໃບ​ໜ້າ​ ການ​ລ້າງ​ມື​ກ່ອນ​ ຈະ​ຊ່ວຍ​ກຳຈັດ​ເຊື້ອ​ພະຍາດ​ ແລະ​ ແບັກ​ທີ​ເຣຍ​ອອກ​ໄປ​ກ່ອນ​ທີ່​ເຮົາ​ຈະ​ສຳຜັດ​ກັບ​ຜິວ​ທີ່ບ​ອບ​ບາງ​
– ບີບ​ຄລີນ​ເຊີ​ຣລົງ​ທີ່​ນິ້ວ​ມື​ ແລ້ວ​ແຕ້ມ​ທີ່​ໃບ​ໜ້າ​ເປັນ​ຈຸດ​ ໆ​ ຈາກ​ນັ້ນ​ກໍ​ນວດ​ເປັນ​ວົງກົມ​ ວົງ​ນ້ອຍ​ໆ​ ໃຫ້​ທົ່ວ​ໃບ​ໜ້າ​ ເນັ້ນ​ບໍລິເວນ​ທີ​ໂຊນ​ ໄດ້​ແກ່​ ໜ້າ​ຜາກ​ ດັງ​ ແລະ ​ຄາງ​

– ລ້າງ​ອອກ​ດ້ວຍ​ນ້ຳ​ອຸ່ນ​ ຈາກ​ນັ້ນ​ກໍ​ໃຊ້​ນ້ຳ​ໃນ​ອຸນຫະ​ພູ​ມປົກກະ​ຕິ​ ລ້າງ​ໃຫ້​ທົ່ວ​ໃບ​ໜ້າ​ອີກ​ເທື່ອ​ນ້ຳ​ເຢັນ​ ຈະ​ເຮັດ​ຄວາມ​ສະ​ອາດ​ໄດ້​ບໍ່​ດີ​ເທົ່າ​ນ້ຳ​ອຸ່ນ​ ແຕ່​ນ້ຳ​ຮ້ອນ​ກໍ​ເຮັດໃຫ້​ຜິວ​ແຫ້ງ​ ແລະ​ເຮັດໃຫ້​ຄວາມ​ນຸ່ມ​ນວນ​ຫຼຸດ​​ລົງ​
– ເຊັດ​ໜ້າ​ດ້ວຍ​ຜ້າຂົ​ນ​ໜູ​ແຫ້ງ​ ຄ່ອຍໆ​ຊັບ​ເບົາ​ໆ​ ບໍ່​ຄວນ​ຖູ​ເພາະ​ຈະ​ເຮັດໃຫ້​ຜິວ​ລະ​ຄາຍ​ເຄືອງ ​ແລະ ​ຈະ​ເປັນ​ການ​ກຳຈັດ​ສ່ວນ​ປະສົມ​ທີ່​ຊ່ວຍ​ໃຫ້​ຜິວ​ນຸ່ມ​ນວນ​ ທີ່​ມັກ​ຈະ​ມີ​ການ​ປະສົມ​ລົງ​ໄປ​ໃນ​ຜະລິດຕະພັນ​ເຮັດ​ຄວາມ​ສະ​ອາດ​ຜິວ​ນັ້ນ​ອອກ​

– ທາມ​ອຍ​ເຈີ​ຣ໌​ໄຣ​ເຊີ​ຣ໌​ ເພື່ອ​ໃຫ້​ຜິວ​ນຸ່ມ​ ບໍ່​ແຫ້ງ​​ ໂດຍ​ຢອດ​ລົງ​ທີ່​ນິ້ວ​ມື​ກ່ອນ​ ແລ້ວ​ແຕ້ມ​ເປັນ​ຈຸດ​ ຈາກ​ນັ້ນ​ຄ່ອຍ​ໆ​ ນວດ​ວົນ​ເປັນ​ວົງກົມ​ ເຊັ່ນ​ດຽວ​ກັບ​ຕອນ​ໃຊ້​ຄລີນ​ເຊີ​ຣ໌​ ເນັ້ນ​ທາ​ໃນ​ຈຸດ​ທີ່​ແຫ້ງ​ ແລະ ​ຫຍາບ​ກ້ານ​ເປັນ​ພິເສດ​
– ລ້າງ​ໜ້າ​ຢ່າງ​ນ້ອຍ​ມື້້ລະ​ 2 ເທື່ອ​ ຫຼັງ​ຕື່ນ​ນອນ​ຕອນ​ເຊົ້າ​ ແລະ ​ກ່ອນ​ເຂົ້າ​ນອນ​ ຫາກ​ແຕ່ງໜ້າ​ ຕ້ອງ​ບໍ່​ລືມ​ທີ່​ຈະ​ລ້າງ​ເຄື່ອງ​ສຳອາງ​ອອກ​ໃຫ້​ໝົດ​ກ່ອນ​ນອນ​ສະເໝີ​ ການ​ລ້າງ​ໜ້າ​ເລື້ອຍ​ເກີນ​ໄປ​ ກໍ​ເຮັດໃຫ້​ເກີດ​ຄວາມ​ລະ​ຄາຍ​ເຄືອງ​ໄດ້​ຄືກັນ​ ແລະ ​ຍັງ​ເປັນ​ການ​ກຳຈັດ​ນ້ຳ​ມັນ​ຕາມ​ທຳມະຊາດ​ອອກ​ ເຮັດໃຫ້​ຜິວ​ແຫ້ງ​ ກໍລະນີ​ທີ່​ຫຼິ້ນ​ກີລາ​ ລອຍນ້ຳ​ ອອກ​ກຳ​ລັງ​ກາຍ​ ຫຼື ​ມີ​ເຫື່ອ​ກໍ​ໃຫ້​ລ້າງ​ໜ້າ​

3. ຂັດ​ເຊລ​ຜິວ​
– ເລືອກ​ຜະລິດຕະພັນ​ຂັດ​ຜິວ​ໃຫ້​ເໝາະ​ກັບ​ສະພາບ​ຜິວ​ໂດຍ​ທົ່ວ​ໆ​ໄປ​ແລ້ວ​ ຫາກ​ເຮົາ​ເປັນ​ຄົນ​ຜິວ​ມັນ​ ກໍ​ໃຫ້​ເລືອກ​ຜະລິດຕະພັນ​ກຳຈັດ​ເຊລ​ຜິວ​ ຫຼື ​ຂັດ​ຜິວ​ປະ​ເພດ​ທີ່​ເນັ້ນ​ການເຮັດ​ຄວາມ​ສະ​ອາດ​ແບບ​ລ້ຳ​ເລິກ​ ແຕ່​ຖ້າ​ຜິວ​ແຫ້ງ​ ກໍ​ໃຫ້​ເລືອກ​ຜະລິດຕະພັນ​ອ່ອນ​ໆ​ ສຳລັບ​ຜິວ​ທີ່ບ​ອບ​ບາງ​

– ໃຊ້​ນິ້ວ​ມື​ຄ່ອຍ​ໆ​ ນວດ​ຜະລິດຕະພັນ​ຂັດ​ຜິວ​ ທີ່​ບໍລິເວນ​ໄບ​ໜ້າ​ຢ່າງ​ຊ້າ​ໆ​ ນວດ​ເປັນ​ວົງກົມ​ຄື​ກັນ​ ບາງ​ຄົນ​ອາດຈະ​ເລືອກ​ໃຊ້​ຜ້າກຂົນ​ໜູ​ໄມ​ໂຄຣ​ໄຟ​ເບີ​ຣນ​ວດ​ແທນ​ມື​ ຫຼື​ ອາດຈະ​ມີ​ຖົງ​ມື​ເພື່ອ​ຄວາມສະດວກ​ ນອກ​ຈາກ​ນີ້​ ປະຈຸບັນ​ຍັງມີ​ອຸປະກອນ​ຂັດ​ຜິວ​ໄຟ​ຟ້າ​ ສ່ວນຫຼາຍ​ມີ​ຂາຍ​ຕາມ​ຊູບ​ເປີ​ມາ​​ເກັດ​ ໃນ​ລາ​ຄາ​ບໍ່​ແພງ​
– ລ້າງ​ອອກ​ດ້ວຍ​ນ້ຳ​ອຸ່ນ​ ຢ່າ​ໃຊ້​ຜ້າໂຕ​ເຊັດ​ໃບ​ໜ້າ​ ເພາະ​ອາດຈະ​ເຮັດໃຫ້​ເກີດ​ຄວາມ​ລະ​ຄາຍ​ເຄືອງ​ໄດ້​ ເພາະ​ຜິວ​ຈະ​ບາງ​ລົງ​ ຫຼັງ​ຈາກ​ທີ່​ຖືກ​ຂັດ​ເຊລ​ເກົ່າ​ອອກ​

– ໃຊ້​ມອຍ​ເຈີ​​ໄຣ​ເຊີ​ທາ​ຫຼັງ​ການ​ຂັດ​ຜິວ​ ເພາະ​ການ​ຂັດ​ຜິວ​ ເຮັດໃຫ້​ໄຂ​ມັນ​ເທິງ​ໃບ​ໜ້າ​ແຫ້ງ​ໄປ​ ຕ້ອງຟ້າວ​ໃຫ້​ຄວາມ​ຊຸ່ມ​ຊື້ນ​ ໂດຍ​ສະເພາະ​ກັບ​ຜູ້​ທີ່​ມີ​ຜິວ​ແພ້​ງ່າຍ​
– ຂັດ​ຜິວ​​ອາທິດ​ລະ​ 2 ເທື່ອ​ ເພື່ອ​ໃຫ້​ຜິວ​ນຸ່ມ​ ແຕ່​ຖ້າ​ເປັນ​ຄົົນທີ່​ມີ​ຜິວ​ບອບ​ບາງ​ແພ້​ງ່າຍ​ການ​ຂັດ​ຜິວ​ອາດຈະ​ເຮັດໃຫ້ຜິວ​ແຫ້ງກວ່າເກົ່າ​ ບໍ່​ຄວນ​ເຮັດ​ເລື້ອຍໆ​ ໃຫ້​ລອງ​ສັງເກດ​ຫາ​ຊ່ວງ​ເວ ລາ​ທີ່​ເໝາະ​ສົມ​ສຳລັບ​ຕົນເອງ​

4. ການ​ໂກນ​ຂົນ​ບໍລິເວນ​ໃບ​ໜ້າ​
– ຕ້ອງ​ໝັ່ນໃຈ​ວ່າ​ໃບ​ມີດ​ທີ່​ນຳ​ມາ​ໃຊ້​ນັ້ນ​ຄົມ​ ການ​ໂກນ​ຂົນ​ເທິງ​ໃບ​ໜ້າ​ນັ້ນ​ອາດຈະ​ເຮັດໃຫ້​ຜິວ​ເກີດ​ຄວາມ​ລະ​ຄາຍ​ເຄືອງ​ໄດ້​ ແລະ ​ຈະ​ເຮັດໃຫ້​ຜິວ​​ບໍ່​ລຽບ​ນຽນ​ ການ​ໂກນຂົນເທິງ​ໃບ​ໜ້າ​ນັ້ນ​ແມ່ນແຕ່​ຜູ້​ທີ່​ບໍ່​ມີກຂົນ​ເທິງໃບ​ໜ້າ​ກໍ​ອາດຈະ​ໄດ້​ປະໂຫຍດ​ ເພາະ​ເປັນ​ການ​ກຳຈັດ​ເຊລ​ທີ່​ຕາຍ​ແລ້ວ​ອອກ​ໄປ​

– ໃຊ້​ຜະລິດຕະພັນ​ຕຽມ​ຄວາມ​ພ້ອມ​ສຳລັບ​ການໂກນ​ ໂດຍ​ນວດ​ໃຫ້​ທົ່ວ​ບໍລິເວນ​ທີ່​ຈະໂກນຂົນ​ອອກ​ ໂດຍ​ຜະລິດຕະພັນ​ພວກ​ນີ້​ ກໍ​ມີ​ໃຫ້​ເລືອກ​ຫຼາກ​ຫຼາຍ​ ທັງ​ແບບ​ຄຣີມ​ ແບບ​ເຈນ​ ແບບ​ໂຟມ​ ຊຶ່ງ​ຕ້ອງ​ເລືອກ​ໃຫ້​ເໝາະ​ກັບ​ສະພາບ​ຜິວ​
– ລ້າງ​ໃບ​ມີດ​ໃຫ້​ສະ​ອາດ​ ຢ່າ​ປ່ອຍ​ໃຫ້​ມີ​ເສັ້ນ​ຂົນ​ຕິດ​ຢູ່​ ເພາະ​ຈະ​ເຮັດໃຫ້​ມີດ​ບໍ່​ຄົມ​ ແລະ​ ເມື່ອ​ນຳ​ມາ​ໃຊ້​ ໃບ​ໜ້າ​ກໍ​ບໍ່​ລຽບ​ນຽນ​

– ລ້າງ​ໜ້າ​ດ້ວຍ​ນ້ຳ​ເຢັນ​ ເພາະ​ນ້ຳ​ເຢັນ​ຈະ​ຊ່ວຍຫຼຸດ​ອາການ​ລະ​ຄາຍ​ເຄືອງ​ ປິດ​ກະ​ຊັບ​ຣູ​ຂຸມ​ຂົນ​ ປ້ອງ​ກັນ​ຜົນ​ກະທົບ​ທີ່​ອາດຈະ​ເກີດ​ຂຶ້ນ​ຈາກ​ການ​ແຖ​ ນອກ​ຈາກ​ນັ້ນ​ ຍັງ​ເຮັດໃຫ້​ຜິວ​ກະ​ຊັບ​ ແລະ ​ເສັ້ນ​ຂົນ​ໃໝ່​ບໍ່​ງອກ​ອອກ​ມາ​ໄວ​ເກີນ​ໄປ​
– ໃຊ້​ຜະລິດຕະພັນ​ຫຼັງ​ການ​ໂກນທີ່​ປາສະຈາກ​ທາດເຫຼົ້າ​ ຊ່ວຍ​ໃຫ້​ຜິວ​ສົດ​ຊື່ນ​ ອາດຈະ​ເປັນ​ໂລ​ຊັ່ນ​ ຫຼື ​ເຈວ​ ທີ່​ຊ່ວຍ​ເລື່ອງ​ຄວາມ​ຊຸ່ມ​ຊື້ນ​ດ້ວຍ​ກໍ​ໄດ້​ ໂລ​ຊັ່ນ​ຫຼັງ​ການໂກນ​ບາງ​ຊະນິດ​ ກໍ​ມີ​ສ່ວນ​ປະສົມ​ທີ່​ເຮັດໃຫ້​ຜິວ​ນຸ່ມ​ຂຶ້ນ
4 ວິທີເຮັດໃຫ້ໜ້າເດັກ ອ່ອນກວ່າໄວ ແບບເຫັນຜົນ Reviewed by makarow on 9:52:00 PM Rating: 5

Contact Form

Name

Email *

Message *

Powered by Blogger.