ຂ່າວດ່ວນ

ຂ່າວອື່ນໆ

random

ກົດ 5 ຂໍ້ຂອງຄົນປະສົບຜົນສຳເລັດ


ເຈົ້າເຮັດວຽກໜັກຫຼາຍ ແຕ່ກັບບໍ່ເຄີຍເຫັນພັດທະນາການຂອງໂຕເອງເລີຍແມ່ນບໍ່? ຫຼືເຈົ້າກຳລັງຮູ້ສືກຕິດກັບຢູ່ບ່ອນເກົ່າ ບໍ່ສາມາດກ້າວຂ້າມໄປຂ້າງໜ້າໄດ້ ໄດ້ແຕ່ເບິ່ງໝູ່ ໝູ່ຮ່ວມງານ ກ້າວໜ້າຈົນໄດ້ເລື່ອນຊັ້ນ ແລ້ວກັບມາສົງໄສວ່າແມ່ນຫຍັງທີ່ຕ່າງຈາກເຈົ້າ

ຫາກທັງໝົດທີ່ກ່າວມານີ້ແມ່ນເຈົ້າ ເຈົ້າຕ້ອງເລີ່ມທີ່ຈະໃຊ້ “ກົດ 5 ຊົ່ວໂມງ” ນີ້ແລ້ວລະ ເຊິ່ງຄົນປະສົບຜົນສຳເລັດເຊັ່ນ ບິລ ໂອຫຣາ ວິນຟຣີ ແລະ ມາກ ຊັກເກີເບີກ ກໍ່ເຮັດ ກົດງ່າຍໆ ນີ້ຊ່ວຍປ່ຽນເຈົ້າຈາກຄົນທຳມະດາ ໃຫ້ກາຍເປັນຄົນທີ່ປະສົບຄວາມສຳເລັດໄດ້

ລອງອ່ານກົດເຫຼົ່ານີ້ເບິ່ງ ແລ້ວເບິ່ງວ່າແມ່ນຫຍັງທີ່ເໝາະສົມກັບເຈົ້າ ແລະຈະປັບໃຊ້ກັບຊີວິດຂອງເຈົ້າໄດ້ແບບໃດ???
ຈົ່ງໃຊ້ເວລາ 5 ຊົ່ວໂມງຕໍ່ອາທິດໄປກັບການຮຽນຮູ້
ກົດ 5 ຊົ່ວໂມງນີ້ຄື ການໃຊ້ເວລາ 5 ຊົ່ວໂມງຕໍ່ອາທິດ ຫຼື 1 ຊົ່ວໂມງຕໍ່ມື້ ເພື່ອການຮຽນຮູ້ຢ່າງມີເປົ້າໝາຍ (deliberate learning) ໂດຍປາດສະຈາກສິ່ງລົບກວນຕ່າງໆ ເພື່ອຈະພັດທະນາຕົນເອງໄດ້ຢ່າງເຕັມທີ່ກໍ່ສາມາດເກີດຂື້ນໄດ້ຫຼາກຫຼາຍຮູບແບບ ເຈົ້າຄວນນຳວິທີການດັ່ງຕໍ່ໄປນີ້ມາປະສົມປະສານຮອບດ້ານຫຼາຍທີ່ສຸດ

1. ການອ່ານໜັງສື
ການອ່ານ ຄືກິດຈະວັດທີ່ຄົນປະສົບຜົນສຳເລັດສ່ວນໃຫຍ່ເຮັດກັນ ເພາະມັນຄືວິທີການທີ່ງ່າຍທີ່ສຸດໃນການຮຽນຮູ້ລອງເອົາໜັງສືຕິດກະເປົາໄວ້ ແລະ ຕັ້ງເປົ້າໝາຍໄວ້ທຸກອາທິດ ເຈົ້າອາດຈະຕັ້ງເປົ້າວ່າຕ້ອງອ່ານໜັງສືໃຫ້ໄດ້ບົດໜຶ່ງຕໍ່ມື້ ຫຼືກຳນົດຈຳນວນໜ້າທີ່ອ່ານພາຍໃນ 1 ເດືອນ ຫຼືບໍ່ກໍ່ອ່ານໜັງສື e-book ອີກໜຶ່ງທາງເລືອກທີ່ເຮັດໃຫ້ເຈົ້າອ່ານໜັງສືໄດ້ທຸກບ່ອນ ບິລເກດ ເອງກໍ່ເປັນນັກອ່ານ ເຂົາອ່ານໜັງສືຫຼາຍກວ່າ 50 ເຫຼັ້ມຕໍ່ປີ ແລະຍັງຍົກໃຫ້ການອ່ານໜັງສືໃນເຄັດລັບການຮຽນຮູ້ທີ່ສຳຄັນທີ່ສຸດຂອງເຂົາດ້ວຍ

2. ການທົບທວນໂຕເອງ
ການທົບທວນຄືກະແຈແຫ່ງການຮຽນຮູ້ ຖ້າເຈົ້າພະຍາຍາມຮັບຂໍ້ມູນເຂົ້າມາຫຼາຍຈົນເກີນໄປ ໂດຍບໍ່ທົບທວນ ເຈົ້າອາດຈະຮູ້ສືກລົ້ນຈົນບໍ່ສາມາດຮຽນຮູ້ສິ່ງໃໝ່ໆໄດ້ ດັ່ງນັ້ນຈຶ່ງເປັນເລື່ອງທີ່ຕ້ອງແບ່ງເວລາໄວ້ສຳລັບມັນແນ່ ພະຍາຍາມຈົດບັນທືກເຂົ້າໄວ້ ເຈົ້າຈະໄດ້ທົບທວນໂຕເອງວ່າໄດ້ຮຽນຮູ້ຫຍັງໄປແນ່ ເມື່ອກັບໄປອ່ານຊ້ຳແລະນອກຈາກນີ້ ມັນຍັງເຮັດໃຫ້ເຈົ້າຮຽນຮູ້ແລະນຳໄປຕໍ່ຍອດໃນອານາຄົດ

3. ການທົດລອງ
ການທົດລອງ ຄືສ່ວນສຳຄັນຂອງຄວາມກ້າວໜ້າໃນຊີວິດ ແບ່ງເວລາແຕ່ລະອາທິດເພື່ອທົດລອງຫຼື ມີໄອເດຍໃໝ່ໆ ເຖິງມັນຈະເບິ່ງຄືບ້າເທົ່າໃດກໍ່ຕາມ ຜະລິດຕະພັນທີ່ປະສົບຜົນສຳເລັດທີ່ສຸດໃນໂລກນັ້ນ ລ້ວນແຕ່ມີຜົນມາຈາກການທົດລອງກ່ອນທັງນັ້ນ ເພາະການຄົ້ນຫາສິ່ງໃໝ່ໆ ບໍ່ເຄີຍມາຈາກການກະທຳສິ່ງເດີມໆ ຊ້ຳແລ້ວຊ້ຳເຫຼົ່າ ເຖິງວ່າການທົດລອງຂອງເຈົ້າຈະຫຼົ້ມເຫຼວ ແຕ່ຮັບຮອງໄດ້ເລີຍວ່າຈະໄດ້ບົດຮຽນທີ່ຄຸ້ມຄ່າຢ່າງແນ່ນອນ

4. ການຮຽນຮູ້ ກັບ ການເຮັດວຽກ ບໍ່ແມ່ນສິ່ງດຽວກັນ
ເປັນເລື່ອງງ່າຍທີ່ເຜີຄິດວ່າການເຮັດວຽກຄືການຮຽນຮູ້ ແລະນີ້ຄືເຫດຜົນທີ່ເຮັດໃຫ້ເຈົ້າຢຸດຢູ່ກັບທີ່ ເຈົ້າອາດຈະຄິດວ່າການເຮັດວຽກ 40 ຊົ່ວໂມງຕໍ່ອາທິດພຽງພໍແລ້ວສຳລັບການພັດທະນາຕົນເອງ ແຕ່ການທີ່ລອງໂຟກັດບັນຫາຕໍ່ວັນເຮັດໃຫ້ເຈົ້າບໍ່ມີເວລາໃຫ້ໂຕເອງໄດ້ພັດທະນາແລະເຕີບໂຕເລີຍ

ກົດ 5 ຊົ່ວໂມງ ຄືການມຸ່ງໝັ້ນໃນການຮຽນຮູ້ຢ່າງມີເປົ້າໝາຍ ບໍ່ແມ່ນການເຮັດວຽກໄປທຸກມື້ແລະຫວັງວ່າອາດຈະໄດ້ຮຽນຮູ້ຫຍັງຈັກຢ່າງ ດັ່ງນັ້ນ ລອງຫາເວລາແລະຕັ້ງເປົ້າໝາຍໃຫ້ສະເພາະເຈາະຈົງ ໃຫ້ເວລາໂຕເອງໄດ້ບັນລຸເປົ້າໝາຍ ແລ້ວເຈົ້າຈະເຫັນການພັດທະນາທີ່ຍິ່ງໃຫຍ່ຂອງຕົນເອງ

5. ໂຟກັດໄປກັບການພັດທະນາ ບໍ່ແມ່ນພຽງຕັ້ງໜ້າຕັ້ງຕາເຮັດພຽງຢ່າງດຽວ
ເຈົ້າອາດຈະເຊື່ອວ່າຍິ່ງເຈົ້າເຮັດຫຼາຍເທົ່າໃດ ເຈົ້າກໍ່ຍິ່ງປະສົບຄວາມສຳເລັດຫຼາຍເທົ່ານັ້ນ ການເຮັດວຽກຢ່າງມີປະສິດທິພາບມີສ່ວນຕໍ່ຄວາມສຳເລັດຢູ່ ແຕ່ວ່າຢ່າລືມວ່າມັນບໍ່ມີຄ່າເລີຍ ຖ້າປາດສະຈາກການຮຽນຮູ້ໄລຍະຍາວ ສະເພາະໜ້າທີ່ການງານທີ່ກຳລັງເຮັດຢູ່ ຫຼາຍກວ່າການພັດທະນາຕົນເອງໃນໄລຍະຍາວ ເຈົ້າກໍ່ຄົງໄປໃສບໍ່ໄດ້ໄກດອກ ລອງໃຊ້ເວລາ 5 ຊົ່ວໂມງຕໍ່ອາທິດໄປກັບການຮຽນຮູ້ທີບໍ່ເຫັນຜົນທັນທີທັນໃດອາດຈະເປັນເລື່ອງຍາກ ແຕ່ເຊື່ອວ່າໃນອານາຄົດເຈົ້າອາດຈະຮູ້ສືກຂອບໃຈໂຕເອງ ຈົ່ງເບິ່ງໄປໄກກວ່າເລື່ອງເງີນເດືອນ ແລ້ວພະຍາຍາມພັດທະນາຕົນເອງໃຫ້ດີທີ່ສຸດໃນແບບຂອງຕົນເອງຈະດີກວ່າ

ລອງຫາແຮງບັນດານໃຈຈາກຄົນປະສົບຄວາມສຳເລັດລະດັບໂລກ ແລ້ວໃຊ້ເວລາ 5 ຊົ່ວໂມງຕໍ່ອາທິດໄປກັບການຮຽນຮູ້ ໃນບໍ່ດົນເຈົ້າກໍ່ຈະພັດທະນາໄປໄກກວ່າຄົນອ້ອມຂ້າງ ແລະກ້າວໄປສູ່ຄວາມສຳເລັດໃນທີ່ສຸດ
ກົດ 5 ຂໍ້ຂອງຄົນປະສົບຜົນສຳເລັດ Reviewed by makarow on 9:35:00 PM Rating: 5

Contact Form

Name

Email *

Message *

Powered by Blogger.