ຂ່າວດ່ວນ

ຂ່າວອື່ນໆ

random

5 ເຫດຜົນທີ່ຜູ້ຊາຍບາງຄົນຍັງບໍ່ຢາກຄົບໃຜເປັນໂຕເປັນຕົນເທຶ່ອ.


1. ບໍ່ທັນຮູ້ສຶກຮັກໃຜຢ່າງແທ້ຈິງ.
ບໍ່ແມ່ນວ່າເລືອກຫຼາຍໃດ໋, ບາງທີເຈິຄົນທີ່ໜ້າຈະແມ່ນ ແຕ່ບໍ່ແມ່ນ, ບາງທີເຈິວ່າຄົນນີ້ໂອເຄແລ້ວ, ແຕ່ກະເຂົ້າກັນບໍ່ໄດ້… ກະເລີຍຍັງຮູ້ສຶກເສີຍໆ ແລະ ບໍ່ຮູ້ສຶກຮັກໃຜເທຶ່ອ.

2. ຍັງຮູ້ສຶກວ່າຕົນເອງຍັງບໍ່ລວຍພໍ.
ຜູ້ຊາຍເກືອບທຸກຄົນກ່ອນຈະໃຊ້ຊີວິດຄູ່ໄດ້ຕ້ອງຄິດເຫັນອະນາຄົດ,​ ກະຄືທີ່ເຫັນໃນປະຈຸບັນ, ຄົນທີ່ປະສົບຜົນສຳເລັດ,​ ມີເຮືອນມີລົດ,​ ອາຍຸ 30-40 ປີຂື້ນໄປຍັງແຕ່ງງານກັບສາວງາມໄດ້ ກະຍ້ອນວ່າເຂົາພ້ອມທຸກຢ່າງ,​ມີທຸກຢ່າງແລ້ວ.. ແຕ່ເຮົາເດ ? ທີ່ຫາກິນໂດຍສອງມືເຮົາເອງ ຈະເອົາຫຍັງໄປເບິ່ງແຍງເຂົາໄດ້ລະ ? ສະນັ້ນ ຕ້ອງໄດ້ບຸກບືນສ້າງຖານະຄວາມໝັ້ນຄົງໃຫ້ໂຕເອງກ່ອນ, ເພື່ອອະນາຄົດທີ່ສົດໃສ.

3. ກຳລັງຊອກຫາໂອກາດໃນຊີວິດ.
ບາງຄົນ, ຢູ່ໃນຊ່ວງທີ່ຕ້ອງການໄປຮຽນຕໍ່, ຕ້ອງການເຂົ້າໄປຢູ່ສາຍນັ້ນສາຍນີ້, ຕ້ອງການເຮັດທຸລະກິດ,​ຕ້ອງການເຮັດສິ່ງໃດສິ່ງໜຶ່ງເພື່ອ ຄວາມກ້າວໜ້າໃນຊີວິດ ເລີຍຈຳເປັນຕ້ອງໂຟກັສ ຈຸດນັ້ນ ສ່ວນເລຶ່ອງຄວາມຮັກເອົາໄວ້ເປັນທີສອງ.

4. ຢ້ານອົກຫັກ.
ບາງຄົນທີ່ຜ່ານໆ ບາດແຜໃນຊີວິດມາ, ກໍ່ເປັນບົດຮຽນໃຫ້ວ່າຕ້ອງຕຽມຫຍັງແນ່, ຕ້ອງເຮັດຫຍັງແນ່,​ແລ້ວຖ້າເລີ່ມໃໝ່ເດ ຈະບໍ່ເປັນແບບເກົ່າບໍ່ ? ເມື່ອຄວາມຄິດແນວນີ້ເຂົ້າມາກໍ່ເຮັດໃຫ້ລັ່ງເລ ແລະ ບໍ່ກ້າທີ່ຈະເລີ່ມກັບໃຜເທຶ່ອ.

5. ຍັງບໍ່ພ້ອມທີ່ຈະຮັບໃຜເທຶ່ອ.
ເພາະບາງຄົນຍັງມີບັນຫາຫຼາຍອັນ, ບັນຫານັ້ນ ບັນຫານີ້ ທີ່ຍັງຄ້າງຄາ, ຄ້ອງການສະສາງໃຫ້ມັນຈາງໆຫາຍໄປກ່ອນ, ຈຶ່ງຈະຮັບຜິດຊອບໃຜຈັກຄົນໄດ້. ສະນັ້ນ,​ ເລີຍຂໍເວລາກ່ອນ ພ້ອມມື້ໃດຄ່ອຍເປີດໃຈຮັບ.

5 ເຫດຜົນທີ່ຜູ້ຊາຍບາງຄົນຍັງບໍ່ຢາກຄົບໃຜເປັນໂຕເປັນຕົນເທຶ່ອ. Reviewed by makarow on 9:43:00 PM Rating: 5

Contact Form

Name

Email *

Message *

Powered by Blogger.