ຂ່າວດ່ວນ

ຂ່າວອື່ນໆ

random

6 ບຸກຄະລິກຜູ້ຊາຍທີ່ຖືກໃຈສາວໆ


ຄົນເຮົາມີຫຼາຍບຸກຄະລິກ, ຫຼາຍປະເພດ.. ມື້ນີ້ຂໍເວົ້າສະເພາະຜູ້ຊາຍທີ່ມີບຸກຄະລິກຖືກໃຈສາວໆ.
1. ການແຕ່ງໂຕ.
ແມ່ນຢູ່ວ່າການແຕ່ງໂຕດີ ອາດຈະບໍ່ແມ່ນຄຳຕອບສຸດທ້າຍ, ແຕ່ມັນກໍ່ເປັນສິ່ງທຳອິດທີ່ເຮັດໃຫ້ຜູ້ຍິງກວດສາຍຕາມາສະແກນເບິ່ງຜູ້ຊາຍ, ເຊິ່ງຖ້າເຮົາໜ້າຕາບໍ່ດີ ແຕ່ ແຕ່ງໂຕດີຖືວ່າມີຄະແນນຂື້ນມາເປັນເຄິ່ງພຸ້ນລະ.

2. ຮູບຮ່າງ ໜ້າຕາ ແລະ ການຮັກສາຄວາມສະອາດ.
ເມື່ອມີຮູບຮ່າງໜ້າຕາດີ ທີ່ສະຫວັນມອບມາໃຫ້ແລ້ວ, ຖ້າຮູ້ຈັກອອກກຳລັງກາຍ, ຫຼື ຄອບຄຸມອາຫານ ແລະ ຮັກສາຄວາມສະອາດ ກໍ່ຈະເຮັດໃຫ້ຍິ່ງດູດີຂື້ນໄປອີກ, ແລະ ສາວໆຫຼາຍຄົນກໍ່ມັກຄວາມສະອາດ. ສະນັ້ນ ຢ່າປ່ອຍໃຫ້ໂຕເອງໂຊມ ແລະ ເປິເປື້ອນ.

3. ຄວາມເປັນສຸພາບບຸລຸດ.
ຄຳວ່າສຸພາບບູລຸດ ກ່ອນອຶ່ນໝົດຖ້າຢາກໃຫ້ຄົນອື່ນໃຫ້ກຽດເຮົາ,ເຮົາຕ້ອງຮູ້ໃຫ້ກຽດຄົນອຶ່ນກ່ອນ. ແລະ ການປະຕິບັດພຶດຕິກຳແບບນີ້ກໍ່ຄວນເຮັດສະໝ່ຳສະເໝີ ບໍ່ແມ່ນສອງມາດຕະຖານ, ຄືບາງຄົນອາໃສເຮັດດີແຕ່ກັບຄົນຮູ້ຈັກ, ແລ້ວກັບຄົນແປກໜ້າລະອີກມາດຕະຖານໜຶ່ງ. ອີກອັນໜຶ່ງຄືບໍ່ສວຍໂອກາດເວລາຕໍ່ໜ້າ ຫຼື ລັບຫຼັງ.

4. ມີຄວາມເປັນມິດ.
ຖ້າເມົາແຕ່ຈ້ອງ, ສັງເກດ ແລະ ບໍ່ທັກທາຍບໍ່ຢອກ, ຈະເຮັດໃຫ້ຜູ້ຍິງອຶດອັດ. ດັ່ງນັ້ນ, ຈົ່ງຫາເລື່ອງມາຊວນລົມ. ປ່ອຍໂຕເອງໃຫ້ສະບາຍບໍ່ຕ້ອງເຂີນອາຍອີ່ຫຍັງທັງນັ້ນ.

5. ມີຄວາມໝັ້ນໃຈສູງ ມີຄວາມເປັນຜູ້ນຳ.
ຖ້າຮູ້ຈັກໝັ້ນໃຈໂຕເອງ, ກ້າຄິດກ້າສະແດງອອກແບບລູກຜູ້ຊາຍ, ເຮົາມີໂອກາດຊະນະໃຈຜູ້ຍິງໄດ້ເປັນເຄິ່ງ. ເພາະວ່າຜູ້ຍິງຫຼາຍຄົນຈະມັກຄົນທີ່ໝັ້ນໃຈ ກ້າເວົ້າກ້າວ່າ, ມີຄວາມເປັນຜູ້ນຳ. ສະນັ້ນ,ຈົ່ງປ່ອຍອອກມາເປັນໂຕຂອງໂຕເອງທີ່ສຸດ,ຢ່າປິດຄວາມຮູ້ສຶກ, ການສະແດງອອກຊັດເຈນມີຜົນໃຫ້ຝ່າຍກົງກັນຂ້າມໝັ້ນໃຈນຳເຮົາ ແລະ ຕັດສິນໃຈງ່າຍຂື້ນທີ່ຈະເລືອກເຮົາ.

6. ມີຄວາມເປັນຜູ້ໃຫ່ຍພໍ.
ຄືຕ້ອງຮູ້ຈັກຄວບຄຸມອາລົມໂຕເອງ, ໃຊ້ເຫດຜົນໃນການຕັດສິນບັນຫາ, ເປັນຄົນຮັບຟັງ,ຍອມຮັບຄວາມເຫັນຄົນອຶ່ນ, ກ້າຮັບຜິດຊອບ… ເມື່ອຝ່າຍຍິງມາເຫັນກໍ່ຈະຖືກໃຈຫຼາຍສົມຄວນ.

ຖ້າເຮົາເປັນຄືດັ່ງ 6 ບຸກຄະລິກຂ້າງເທິງນີ້ ຈະເຮັດໃຫ້ເຮົາມີໂອກາດທີ່ຈະມີສາວໆເຂົ້າມາຫຼົງຮັກ. ຖ້າບໍ່ມີກໍ່ຄວນເລີ່ມປັບປ່ຽນໃຫ້ມີຈັກຂໍ້ໃດຂໍ້ໜຶ່ງ. ນອກນີ້ຍັງມີອີກຫຼາຍບຸກຄະລິກທີ່ສາວໆຫຼົງໃຫຼ. ເອົາເປັນວ່າໃຜມີວິທີເດັດໆກໍ່ສາມາດເອົາມາໝຸນໃຊ້ໄດ້.

6 ບຸກຄະລິກຜູ້ຊາຍທີ່ຖືກໃຈສາວໆ Reviewed by makarow on 11:52:00 PM Rating: 5

Contact Form

Name

Email *

Message *

Powered by Blogger.