ຂ່າວດ່ວນ

ຂ່າວອື່ນໆ

random

6 ສາເຫດ ຂອງຜົມຫຼົ່ນທີ່ຫຼາຍຄົນອາດຍັງບໍ່ຮູ້


ຜົມຫຼົ່ນ ເປັນບັນຫາໜຶ່ງທີ່ຫຼາຍໆຄົນທັງຍິງ ແລະຊາຍ ກັງວົນໃຈວ່າ ເປັນຫຍັງຜົມຄືຫຼົ່ນຫຼາຍແທ້ ແລະບາງກວ່າເມື່ອກ່ອນຫຼາຍເທົ່າ, ອັນທັງທີ່ຈິງແລ້ວອາຍຸກໍຍັງບໍ່ທັງຫຼາຍພໍເທົ່າໃດ, ຜົມກໍບໍ່ໄດ້ຂາດການບຳລຸງ ສິ່ງໃດທີ່ເຂົາວ່າດີກະລອງມາໝົດແລ້ວ, ເປັນຫຍັງຄືຍັງບາງຢູ່, ດັ່ງນັ້ນ ມາເບິ່ງນຳກັນເລີຍວ່າ ເປັນ ເພາະສາເຫດອັນໃດທີ່ເຮົາບໍ່ຮູ້ໂຕ.
ສະຜົມດຸຈົນເກີນໄປ: ສາວໆ ໜຸ່ມໆ ທີ່ໜັງຫົວມັນ ຫຼື ຄົນທີ່ອອກກຳລັງກາຍທຸກມື້ ຈຶ່ງເຮັດໃຫ້ ຕ້ອງໄດ້ສະຜົມທຸກມື້, ຈິງໆແລ້ວການສະຜົມດຸເກີນໄປ ອາດເຮັດໃຫ້ໜັງຫົວແຫ້ງຈົນເກີດອາການຄັນຫົວ, ລະຄາຍເຄືອງຈົນເປັນລັງແຄ ແລະເຮັດໃຫ້ຜົມຫຼົ່ນໄດ້ໃນທີ່ສຸດ

ຫວີຜົມແຮງໆ ດຸໆ ແລະຫວີຜົມຂະນະຜົມປຽກ: ສາວທີ່ຜົມຍາວ ອາດຈະຮັກຜົມຕົວເອງຫຼາຍ, ຈັບຫວີຂຶ້ນມາຫວີທຸກໆຊົ່ວໂມງ ຫຼື ຫວີຜົມຂະນະທີ່ຜົມຍັງປຽກຢູ່ ອາດເປັນສາເຫດໜຶ່ງຂອງການທຳລາຍຜົມໂດຍບໍ່ຮູ້ໂຕ ເພາະນອກຈາການຫວີຜົມຈະເຮັດໃຫ້ເສັ້ນຜົມຫຼົ່ນຫຼາຍຂຶ້ນໂດຍບໍ່ຈຳເປັນ ເພາະ ຫວີຍັງ ສຽດສີກັບເສັ້ນຜົມຫຼາຍເກີນໄປ ຈົນເຮັດໃຫ້ຜົມປຫ້ງເສຍໄດ້ເຊັ່ນກັນ

ໃຊ້ໄດເປົ່າຜົມດຸເກີນໄປ: ຄວາມຮ້ອນຈາກໄດເປົ່າຜົມ ນອກຈາກຈະເຮັດໃຫ້ຜົມແຫ້ງເສຍໄດ້ງ່າຍ ແລ້ວ ຍັງອາດເຮັດໃຫ້ໜັງຫົວແຫ້ງ, ຄັນ, ຂາດຄວາມຊຸ່ມຊື່ນ ແລະເສັ້ນຜົມຫຼົ່ນຈາກໜັງຫົວໄດ້ງ່າຍເຊັ່ນ ກັນ, ດັ່ງນັ້ນ ບໍ່ຄວນຈື້ງໄດເປົ່າຜົມທີ່ໜັງຫົວ ແລະຢ່າໃຊ້ໄດເປົ່າຜົມດົນ ຫຼື ຫຼາຍຈົນເກີນໄປ

ດັດ, ຍ້ອມ, ເຮັດສີຜົມຫຼາຍເກີນໄປ: ຫາກໃຜມັກປ່ຽນສີຜົມດຸໆ ອາດປະສົບບັນຫາເສັ້ນຜົມຍາບ ກະດ້າງ, ເສັ້ນຜົມແຕກປາຍ, ຊີ້ຟູ, ແຫ້ງເສຍ, ປາຍຜົມຈີກເປັນແຍກໆ, ບຳລຸງເທົ່າໃດກໍຍາກທີ່ຈະກັບມາ ເປັນຄືເກົ່າ ຕ້ອງຖ້າໃຫ້ຜົມຍາວແລ້ວຕັດອອກຢ່າງດຽວ, ດັ່ງທີ່ຮູ້ແລ້ວວ່າ ການເຮັດສີຜົມມັນເປັນການທຳ ລາຍສຸຂະພາບຜົມຫຼາຍເທົ່າໃດ, ນອກຈາກຈະທຳລາຍເສັ້ນຜົມແລ້ວ ຍັງທຳລາຍໜັງຫົວຈົນອາດເປັນເຫດ ໃຫ້ຜົມຫຼົ່ນໄດ້ອີກ, ຊຶ່ງບໍ່ລວມການແພ້ຕໍ່ສາຍຕາ, ຜົມຫຼົ່ນ, ໜ້າບວມ ແລະຕາບວມ ອີກດ້ວຍ

ກິນອາຫານລົດເພັດ: ຫຼາຍຄົນອາດຍັງບໍ່ຄິດເຖິງວ່າ ອາຫານການກິນຈະສົ່ງຜົນກັບການຫຼົ່ນ ຂອງ ເສັ້ນຜົມເຮົາໄດ້, ອາຫານລົດເພັດ ຈະເຮັດໃຫ້ຄວາມດັນເລືອດສູງຂຶ້ນ, ເສັ້ນເລືອດຫົດຕົວລົງເປັນຜົນເຮັດ ໃຫ້ເລືອດໄປລ້ຽງຮາກຜົມໄດ້ນ້ອຍລົງ ແລະເຮັດໃຫ້ຮາກຜົມບໍ່ແຂງແຮງເທົ່າທີ່ຄວນຈະເປັນ

ດື່ມເຫຼົ້າ, ສູບຢາ: ອັນນີ້ ກໍເປັນສັນຍານສິ່ງໜຶ່ງທີ່ບໍ່ໄດ້ແຕ່ທຳລາຍພຽງແຕ່ອະໄວຍະວະສຳຄັນ ເຊັ່ນ: ຕັບ, ໄຕ ເທົ່ານັ້ນ ຍັງສົ່ງຜົມໄປເຖິງລະບົບໄຫຼວຽນເລືອດ ທີ່ຈະຢູ່ໃນພາວະຫົດຕົວ ແລະແຂງຕົວ, ຂາດຄວາມຫົດຍືດ ເຮັດໃຫ້ເລືອດໄຫຼວຽນບໍ່ຄ່ອຍດີ ເມື່ອອະໄວຍະວະຕ່າງໆ ບໍ່ໄດ້ຮັບເລືອດເຂົ້າມາໄຫຼ ວຽນເທົ່າທີ່ຄວນ ກໍຈະສົ່ງຜົນໃຫ້ເຊວຕ່າງໆຕາມຮ່າງກາຍເຮັດວຽກໜັກກວ່າເກົ່າ ຄືກັບເຊວຜິວໜັງ, ຮູຂຸມ ຂົນທີ່ບໍ່ແຂງແຮງ ເຮັດໃຫ້ຜົນຂາດຫຼົ່ນໄດ້ຄືກັນ

ຜົມຫຼົ່ນ ປັນບັນຫາທີ່ໜັກໃຈຂອງໃຜຫຼາຍໆຄົນ ຫາກກິນອາຫານທີ່ເປັນປະໂຫຍດ ເຊັ່ນ: ໄຂມັນດີ ທີ່ມີຢູ່ນຳປາທະເລນ້ຳເລິກ, ນ້ຳມັນໝາກກອກ, ໂປຕິນຕ່າງໆ, ຜັກໃບຂຽວ ແລະທນຍາພືດຕ່າງໆ, ອອກ ກຳລັງກາຍສະໝ່ຳສະເໝີ ແລະພັກຜ່ອນໃຫ້ພຽງພໍ, ບໍ່ຄຽດ, ບໍ່ໄດ, ຢືດ, ດັດ, ມ້ວນ, ປ່ຽນສີ, ເຮັດສີຜົມດຸຈົນເກີນໄປ ເທົ່ານີ້ກໍເຮັດໃຫ້ຜົມແຂງແຮງ


6 ສາເຫດ ຂອງຜົມຫຼົ່ນທີ່ຫຼາຍຄົນອາດຍັງບໍ່ຮູ້ Reviewed by makarow on 10:57:00 PM Rating: 5

Contact Form

Name

Email *

Message *

Powered by Blogger.