ຂ່າວດ່ວນ

ຂ່າວອື່ນໆ

random

ຈຸດແຕກຕ່າງ “ລະຫວ່າງ ຄົນໂງ່ ກັບ ຄົນສະຫຼາດ”


ຍອມຮັບເລີຍວ່າ ສັງຄົມເຮົາໃນປະຈຸບັນ ມີຄົນຢູ່ຫຼາຍປະເພດ ໂດຍບາງປະເພດກໍເປັນລັກສະນະບໍ່ ມີໃຜຢາກຄົບຄ້າສະມາຄົມນຳ ແລະຫຼາຍຄັ້ງທີ່ຄົນປະເພດນີ້ມັກບໍ່ຮູ້ວ່າພືດຕິກຳສ່ວນຕົວຂອງຕົນ ເຮັດໃຫ້ ຄົນອ້ອມຂ້າງເບື່ອໜ່າຍອື່ນບໍ່ຢາກ ໂດຍປະເພດນີ້ ເຂົາເອີ້ນວ່າ “ໂງ່ແຕ່ອວດສະຫຼາດ” ແຕ່ຫຼາຍຄົນອາດ ຍັງສົງໃສວ່າແລ້ວຄົນສະຫຼາດ ກັບ ຄົນໂງ່ ມີຫຍັງແດ່ທີ່ແຕກຕ່າງ, ດັ່ງນັ້ນ ເຮົາມາຮູ້ຈັກພືດຕິກຳ 5 ຢ່າງທີ່ຄົນໂງ່ ມີຕ່າງຈາກຄົນສະຫຼາດ

1 ຄົນໂງ່ມັກໂຍນຄວາມຜິດຂອງຕົນເອງໃຫ້ຜູ້ອື່ນ: ເພາະພວກເຂົາບໍ່ມັກຍອມຮັບກັບສິ່ງທີ່ຕົນເອງ ເຮັດຜິດ ແຕ່ຈະມັກໂຍນຄວາມຜິດໃຫ້ກັບຜູ້ອື່ນ, ຊຶ່ງຈະຕ່າງຈາກຄົນສະຫຼາດ ເພາະຄົນສະຫຼາດ ເວລາ ເກີດຄວາມຜິດພາດກໍຈະບອກວ່າເປັນຄວາມຜິດຂອງຕົນ ແລະເຂົາເຊື່ອວ່າຄວາມຜິດພາດທຸກຢ່າງຈະເປັນ ບົດຮຽນໃຫ້ຮູ້ເພື່ອບໍ່ໃຫ້ເຮັດຜິດພາດອີກ.

2 ຄົນໂງ່ມັກຈະຄິດວ່າຕົນເອງຖືກສະເໝີ: ແນ່ນອນ ໃນທຸກສະຖານະການທີ່ເກີດມີຄວາມຜິດພາດ ຫຼື ຂັດແຍ່ງທີ່ບໍ່ສາມາດຫາຂໍ້ສະຫຼຸບໄດ້ ວ່າສິ່ງນີ້ຖືກ ຫຼື ຜິດ ແຕ່ຄົນໂງ່ ຈະຕອບໂຕ້ເພື່ອໃຫ້ຕົນເອງກາຍ ເປັນຜູ້ຊະນະ ໂດຍບໍ່ສົນໃຈວ່າໃນສະຖານທີ່ນັ້ນມີຄົນສະຫຼາດກວ່າຕົນຢູ່ດ້ວຍ ຫຼື ບໍ່, ຂະນະທີ່ ຄົນສະ ຫຼາດ ຈະເຂົ້າໃຈ ແລະພ້ອມຍອມຮັບໃນຄວາມຄິດເຫັນທີ່ຕ່າງຈາກຕົນເອງ, ພ້ອມທັງ ຟັງດ້ວຍຄວາມຕັ້ງ ໃຈ ແລະພິຈາລະນາທຸກສິ່ງທີ່ຟັງກ່ອນການຕັດສິນໃຈ

3 ຄົນໂງ່ຈະສະແດງອາການໂມໂຫ ແລະຮຸກຮານເພື່ອຖັບຖົມ: ເມື່ອຄົນໂງ່ຮູ້ສຶກບໍ່ພໍໃຈກັບສິ່ງທີ່ບໍ່ ເປັນດັ່ງຫວັງ ກໍຈະສະແດງອາການໂມໂຫ ແລະຮຸກຮານເພື່ອເປັນການຖັບຖົມ ຊຶ່ງຈະກົງກັນຂ້າມກັບຄົນ ສະຫຼາດຢ່າງແຈ້ງ ເພາະເຂົາເຈົ້າຈະເກັບອາລົມ ພ້ອມສັ່ງຊາວ່າ ສິ່ງທີ່ບໍ່ເປັນດັ່ງຫວັງນັ້ນເກີດຈາກຫຍັງ ຕົນເຮົາ ຫຼື ສິ່ງໃດ ພໍຮູ້ສາເຫດກໍຈະນຳບົດຮຽນນັ້ນໄປພັດທະນາຕື່ມ

4 ຄົນໂງ່ຈະບໍ່ສົນຄວາມຕ້ອງການ ແລະຄວາມຮູ້ສຶກຂອງຄົນອື່ນ: ອັນນີ້ ກໍມັກຈະເຫັນຢູ່ຢ່າງ ເປັນປະຈຳວ່າ ຄົນສະຫຼາດ ເຂົາເຈົ້າຈະມີຄວາມເຂົ້າໃຈ ແລະເຫັນອົກເຫັນໃຈຄົນອື່ນ, ທັງພ້ອມທີ່ຈະໃຫ້ ການຊ່ວຍເຫຼືອເມື່ອເຂົາເຈົ້າພົບບັນຫາໂດຍທີ່ບໍ່ຫວັງຜົນຕອບແທນ ຕ່າງຈາກຄົນໂງ່ ທີ່ເກືອບຈິນຕະນາ ການບໍ່ອອກວ່າຄົນອື່ນຈະມີຄວາມຄິດຕ່າງໄປຈາກຕົນເອງແບບໃດ ແລະການເຮັດເພື່ອຄົນອື່ນໂດຍບໍ່ມີຜົນ ຕອບແທນເປັນເລື່ອງແປກ

5 ຄົນໂງ່ຄິດວ່າຕົນເອງດີກວ່າຜູ້ອື່ນ: ຄົນໂງ່ມີແນວໂນ້ມທີ່ຈະມັກວິຈານ ຫຼື ຕິຄົນອື່ນເພື່ອໃຫ້ຕົນ ເອງເບີ່ງດີກວ່າ ເພາະເຂົາເຊື່ອວ່າຕົນເອງເກັ່ງກວ່າ, ເປັນຄົນມັກຕັດສິນຄົນອື່ນໄປກ່ອນໂດຍມີຄວາມລຳ ອຽງເປັນທີ່ຕັ້ງ ຫຼື ຈຳພວກຄິດລົບກໍວ່າໄດ້

ຖ້າໃນຊີວິດຕົວຈິງຫາກພົບຄົນປະເພດນີ້ ແລະບໍ່ສາມາດຫຼີກລຽງໄດ້ ກໍໃຫ້ຄິດສາວ່າ ເປັນນິໄສ ຂອງຄົນໂງ່ ທີ່ຄົນສະຫຼາດເຂົາບໍ່ເຮັດ ເພື່ອຈະເຮັດໃຫ້ເຂົາເຂົ້າໃຈ ແລະເຫັນໃຈເຂົານຳ
ຈຸດແຕກຕ່າງ “ລະຫວ່າງ ຄົນໂງ່ ກັບ ຄົນສະຫຼາດ” Reviewed by makarow on 8:56:00 PM Rating: 5

Contact Form

Name

Email *

Message *

Powered by Blogger.