ຂ່າວດ່ວນ

ຂ່າວອື່ນໆ

random

ຜົນຂ້າງຄຽງຂອງຢ່າຄຸມກຳເນີດ……..ກ່ອນຈະໃຊ້


ສຳລັບຄູ່ຮັກທີ່ບໍ່ພ້ອມຈະມີລູກ ບໍ່ວ່າຈະດ້ວຍເຫດຜົນໃດກໍ່ຕາມ ກໍ່ຕ້ອງຫາທາງຄຸມກຳເນີດເພື່ອການຕັ້ງທ້ອງໂດຍບໍ່ໄດ້ຕັ້ງໃຈ ຫຼາຍຄູ່ກໍ່ເລືອກທີ່ຈະໃຫ້ຝ່າຍຍິງເປັນຄົນຄຸມກຳເນີດດ້ວຍວິທີການກິນຢາຄຸມ ເພາະເປັນວິທີທີ່ງ່າຍແລະຄຸມກຳເນີດໄດ້ຢ່າງແນ່ນອນ ແຕ່ກ່ອນຈະເລືອກໃຊ້ວິທີນີ້ເຮົາຢາກໃຫ້ສາວໆໄດ້ຮູ້ເຖິງຜົນຂ້າງຄຽງຂອງຢາຄຸມກຳເນີດເສຍກ່ອນ

1.ອາການປວດຮາກ
ຜົນຂ້າງຄຽງອັນດັບຕົ້ນໆທີ່ມັກຈະພົບຫຼາຍກໍ່ຄື ອາການວິນຫົວປວດຮາກ ໂດຍປົກກະຕິແລ້ວອາການເຫຼົ່ານີ້ຈະເກີດຂື້ນຊ່ວງ2ຫາ3ເດືອນທຳອິດເທົ່ານັ້ນໂດຍຫຼັງຈາກນັ້ນອາການນີ້ກໍ່ຈະຫາຍໄປ ແຕ່ຖ້າຫາກອາກາເຫຼົ່ານີ້ບໍ່ຫາຍໄປຜູ້ຊ່ຽວຊານແນະນຳໃຫ້ກິນອາຫານກ່ອນຈຶ່ງກິນຢາ ແຕ່ຖ້າຫາກອາການເຫຼົ່ານີ້ຍັງຢູ່ຄວນງົດກິນຢາຄຸມກຳເນີດແລ້ວຫັນເປັນວິທີອື່ນແທນ ເຊັ່ນໃສ່ຖົງຢາງຫຼືໃສ່ຫ່ວງເປັນຕົ້ນ

2.ຄວາມຕ້ອງການທາງເພດຫຼຸດລົງ
ຢາຄຸມກຳເນີດມີຜົນຂ້າງຄຽງເຮັດໃຫ້ຄວາມຕ້ອງການທາງເພດຫຼຸດລົງເຊັ່ນກັນ ໂດຍແພດຜູ້ຊ່ຽວຊານລະບຸວ່າ ຫາກກິນຢາຄຸມກຳເນີດໄປໄລຍະໜຶ່ງອາດຈະສົ່ງຜົນໃຫ້ຄວາມຕ້ອງການທາງເພດຫຼຸດລົງ ຈົນເປັນເຫດໃຫ້ເບື່ອຫຼືບໍ່ມີອາລົມເມື່ອມີເພດສຳພັນກັບຄົນຮັກໄດ້ ສະນັ້ນແພດຜູ້ຊ່ຽວຊານແນະນຳໃຫ້ລອງຢຸດກິນແລ້ວເລືອກວິທີຄຸມກຳເນີດອື່ນແທນ

3.ເຈັບນົມ ເຈັບຫົວແລະວິນຫົວ
ອາການເຫຼົ່ານີ້ເປັນອາການຂ້າງຄຽງທີ່ຜູ້ກິນຢາຄຸມທີ່ທຸກຄົນຕ້ອງໄດ້ພົບເຈິ ແຕ່ແພດຜູ້ຊ່ຽວຊານອອກມາບອກວ່າ ບໍ່ຕ້ອງກັງວົນ ເພາະອາການຂ້າງຄຽງເຫຼົ່ານີ້ຈະເກີດຂື້ນເປັນເວລາສັ້ນໆເທົ່ານັ້ນແລະຈະຄ່ອຍໆຫາຍໄປໃນທີ່ສຸດ

4.ອາລົມປ່ຽນແປງ
ເນື່ອງຈາກວ່າຢາຄຸມກຳເນີດປະກອບໄປດ້ວຍຮໍໂມນຈຶ່ງເປັນໄປໄດ້ວ່າຈະເຂົ້າໄປແຊກຊ້ອນຮໍໂມນທີ່ມີຢູ່ໃນຮ່າງກາຍເຮົາ ເຮັດໃຫ້ເກີດອາການຫງຸດງິດງ່າຍ ອາລົມແປປ່ວນຫຼາຍຂື້ນ ເຊິ່ງແພດກໍ່ລະບຸວ່າການແກ້ດ້ວຍການປ່ຽນຢາຄຸມກຳເນີດກໍ່ອາດບໍ່ໄດ້ຊ່ວຍໃຫ້ອາການເຫຼົ່ານີ້ຫາຍໄປ ເພາະຢາຄຸມກຳເນີດກໍ່ມີສ່ວນປະກອບຂອງຮໍໂມນເຊັ່ນກັນ

5.ນ້ຳໜັກຂື້ນ ໂຕບວມ
ເຊື່ອວ່າຂໍ້ນີ້ເປັນອາການຂ້າງຄຽງທີ່ຜູ້ຍິງຮູ້ຢູ່ແລ້ວແລະລະວັງຢ່າງຍິ່ງ ແຕ່ບາງຄົນກໍ່ບໍ່ສາມາດຫຼີກລ່ຽງອາການຂ້າງຄຽງນີ້ໄດ້ເລີຍ ອີກທັງນີ້ຜົນວິໄຈຍັງພົບວ່າຜູ້ຍິງທີ່ກິນຢາຄຸມກຳເນີດຈະມີນ້ຳໜັກສະເລ່ຍເພີ່ມຂື້ນ3ກິໂລກຼາມຕໍ່ປີ

6.ປະຈຳເດືອນມາໜ້ອຍກວ່າປົກກະຕິ
ຜົນຂ້າງຄຽງທີ່ພົບຫຼາຍ ເຊິ່ງເກີດຈາກການຂັບຂອງເສຍອອກມາບໍ່ໜົດເຮັດໃຫ້ປະຈຳເດືອນມາໜ້ອຍ ແພດລະບຸວ່າມອາການຂ້າງຄຽງເຫຼົ່ານີ້ເປັນຜົນມາຈາກຮໍໂມນແອສໂຕຼເຈນ ໃນຢາແລະຫາກຈະຮັກສາອາການເຫຼົ່ານີ້ຄວນເລືອກຢາຄຸມທີ່ມີຮໍໂມນແອສໂຕຼເຈນໃນປະລິມານທີ່ໜ້ອຍ

7.ເລືອດອອກໜ້ອຍໃນລະຫວ່າງຮອບເດືອນ
ອາການຂ້າງຄຽງເຫຼົ່ານີ້ຈະເກີດຂື້ນໃນຄົນທີ່ກິນຢາຄຸມໃໝ່ໆແລະກິບຢາຄຸມບໍ່ຖືກວິທີເຊັ່ນກິນຢາບໍ່ຕົງຕາມເວລາ ບໍ່ຕົງຕາມລູກສອນໃນແຜງຫຼືລືມກິນຢາໃນບາງມື້ ເຊິ່ງຈະເຮັດໃຫ້ເກີດການແປປວນຂອງຮໍໂມນໃນຮ່າງກາຍ ເກີດອາການປັບໂຕບໍ່ທັນເຮັດໃຫ້ມີເລືອດອອກເລັກໜ້ອຍໃນລະຫວ່າງຮອບເດືອນ

ເຖິງຢ່າງໃດກໍ່ຕາມ ບໍ່ວ່າຈະເປັນຢາຫຍັງກໍ່ຕ້ອງມີຜົນຂ້າງຄຽງບໍ່ໜ້ອຍກໍ່ຫຼາຍ ຢູ່ທີ່ສະພາບຮ່າງກາຍຂອງແຕ່ລະຄົນ ໂດຍສະເພາະຢາຄຸມກຳເນີດ ດັ່ງນັ້ນຄົງຈະດີກວ່າຄວນປຶກສາແພດກ່ອນທີ່ຈະຮັບປະທານຢາຫຼືເລືອກວິທີຄູມກຳເນີດອື່ນໆ

ຜົນຂ້າງຄຽງຂອງຢ່າຄຸມກຳເນີດ……..ກ່ອນຈະໃຊ້ Reviewed by makarow on 12:41:00 AM Rating: 5

Contact Form

Name

Email *

Message *

Powered by Blogger.