ຂ່າວດ່ວນ

ຂ່າວອື່ນໆ

random

ການກະຊັບຮູຂຸມຂົນບົນໃບໜ້າ


ຜັກກາດຂາວແລະໝາກນາວ ນອກຈາກຈະໃຊ້ໃນການປະກອບອາຫານໄດ້ແລ້ວ ຍັງຍັງສາມາດໃຊ້ໃນການກະຊັບຮູຂຸມຂົນໄດ້ດ້ວຍ ແລະວິທີການເຮັດຄືນຳຜັກາດສອງເຖິງສາມໃບມາ ແລ້ວນຳໄປບົດໃຫ້ລະອຍດ ຈາກນັ້ນໃຫ້ນຳນ້ຳໝາກນາວທີ່ຄັ້ນໄວ້ແລ້ວໄປຜະສົມກັບຜັກກາດຂາວທີ່ບົດເອົາໄວ້ແລ້ວປະມານ 2-3 ບ່ວງແກງ ແລ້ວນຳໄປທາໃຫ້ທົ່ວບໍລິເວນໃບໜ້າປະໄວ້ປະມານ 20-25 ນາທີ ຈາກນັ້ນລ້າງອອກດ້ວຍນ້ຳສະອາດ

ວິທີການກະຊັບຮູຂຸມຂົນດ້ວຍໄຂ່ຂາວ
-ວິທີກໍ່ຄືນຳໄຂ່ຂາວມາ 1 ໜ່ວຍ ຈາກນັ້ນນຳມາຜະສົມກັບນ້ຳໝາກນາວ 1 ບ່ວງແກງ ນຳມາທາໃຫ້ທົ່ວໃບໜ້າປະໄວ້ປະມານ 15-20 ນາທີແລ້ວລ້າງອອກດ້ວຍນ້ຳອຸ່ນແລະລ້າງດ້ວຍນ້ຳເຢັນອີກເທື່ອ 1 ສ່ວນຄົນທີ່ມີຜິວແຫ້ງໃຫ້ໃຊ້ສະເພາະໄຂ່ຂາວໃຫ້ງົດການໃຊ້ນ້ຳໝາກນາວ

ວິທີການກະຊັບຮູຂຸມຂົນດ້ວຍນ້ຳກ້ອນແລະໝາກນາວ
-ຂັ້ນຕອນທຳອິດທຳຄວາມສະອາດຜິວໜ້າແລະຕາມດ້ວຍນ້ຳເຢັນໆຫົດທີ່ໃບໜ້າ ຫຼືໃຊ້ນ້ຳກ້ອນຫໍ່ຜ້ານຸ້ມໆແລ້ວຖູໃຫ້ທົ່ວໃບໜ້າ ຄວາມເຢັນຈາກນ້ຳກ້ອນຈະເຮັດໃຫ້ກ້າມເນື້ອໃບໜ້າຫົດໂຕແລະກໍ່ຈະເຮັດໃຫ້ຮູຂຸມຂົນກະຊັບຊົ່ວຄາວ ຈາກນັ້ນໃຊ້ຜ້າສະອາດຊັບນ້າໃຫ້ແຫ້ງ ແລະສຸດທ້າຍໃຫ້ນຳໝາກນາວທາໃຫ້ທົ່ວໃບໜ້າປະໄວ້ປະມານ 10 ນາທີ ແລ້ວລ້າງອອກດ້ວຍນ້ຳສະອາດ

ວິທີການກະຊັບຮູຂຸມຂົນດ້ວຍກ້ວຍຫອມຫຼືກ້ວຍນ້ຳ
ຂັ້ນຕອນທຳອິດຊອຍໝາກກ້ວຍເປັນຕ່ອນນ້ອຍໆ ແລ້ວຕື່ມນົມສົດຫຼືນ້ຳເຜິ້ງລົງໄປບົດໃຫ້ລະອຽດຈົນເປັນເນື້ອດຽວກັນ ຈາກນັ້ນນຳມາພອກໜ້າແລະລຳຄໍ ປະໄວ້ປະມານ 25-30 ນາທີ ແລ້ວລ້າງອອກດ້ວຍນ້ຳອຸ່ນ ແລ້ວຊັບໜ້າໃຫ້ແຫ້ງດ້ວຍຜ້າສະອາດຊ່ວຍໃຫ້ຜິວໜ້າສະອາດຂື້ນແລະກະຊັບຮູຂຸມຂົນດ້ວຍ

ວິທີການກະຊັບຮູຂຸມຂົນດ້ວຍນ້ຳຕານຊາຍ
-ໃຫ້ເອົານ້ຳຕານຊາຍມາຜະສົມກັບນ້ຳເຜິ້ງແລະນ້ຳມັນໝາກກອກ ແລ້ວນຳໄປທາບົນໃບໜ້າແລ້ວກໍ່ຂັດເບົາໆ ໂດຍໝູນນິ້ວເປັນວົງກົມເບົາໆ ເນັ້ນສ່ວນທີ່ມີຮູຂຸມຂົນກວ້າງແລະຜິວມັນ ປະໄວ້ປະມານ 3-4 ນາທີ ແລ້ວລ້າງອອກດ້ວຍນ້ຳທີ່ເຢັນຈັດ ນ້ຳເຜິ້ງຍັງມີຊັບພະຄຸນໃນການຊ່ວຍຫຼຸດຄວາມມັນບົນໃບນ້າແລະເຮັດໃຫ້ຮູຂຸມຂົນນ້ອຍລົງອີກດ້ວຍ

ການກະຊັບຮູຂຸມຂົນບົນໃບໜ້າ Reviewed by makarow on 9:54:00 PM Rating: 5

Contact Form

Name

Email *

Message *

Powered by Blogger.