ຂ່າວດ່ວນ

ຂ່າວອື່ນໆ

random

ຕອບຂໍ້ສົງໄສ ເປັນຫຍັງອະໄວຍະວະເພດຊາຍມັກແຂງໂຕຕອນເຊົ້າ? ຜິດປົກກະຕິ ຫຼື ບໍ່?


ໄຂ​ຂໍ້​ຂ້ອງ​ໃຈ​ຂອງ​ໜຸ່ມ​ໆ​ ຫຼາຍ​ຄົນ​ສົງໄສ​ກັນ​ມາ​ດົນ​ວ່າ ​ເປັນຫຍັງ​ອະໄວຍະວະເພດ​ຈຶ່ງ​ມັກແຂງໂຕ​ເອງ​ໃນ​ຕອນ​ເຊົ້າ ​ທັງໆ​ທີ່​ບໍ່​ເກີດ​ອາລົມ​ທາງ​ເພດ​ແຕ່ຢ່າງ​​ໃດ​ ອາການ​ນີ້​ເປັນ​ອາການ​ຜິດ​ປົກກະຕິ​ທີ່ເກີດຂຶ້ນ​ກັບ​ຮ່າງກາຍ​ຂອງ​ເຮົາ ຫຼື ​ບໍ່?​ ມື້​ນີ້​ທຸກຄົນຈະ​ໄດ້ຮັບ​ຄຳ​ຕອບ​ທີ່​ຖືກ​ຕ້ອງ​ກັນ.​

1. ທຳມະຊາດ​ຂອງ​ອະໄວຍະວະເພດແຂງໂຕ​ຕອນ​ເຊົ້າ:​ ເປັນ​ເລື່ອງ​ທີ່​ໜຸ່ມ​ໆ​ ທຸກ​ຄົນ​ຢາກ​ຮູ້​? ຂໍ້ສົງ​ໄສ​ທີ່​ວ່າ​ເປັນຫຍັງ​ອະໄວຍະວະເພດຈຶ່ງແຂງໂຕ​ໄດ້​ເອງ​ໃນ​ຕອນ​ເຊົ້າ​ ນີ້​ເປັນ​ຄຳ​ຖາມ​ທີ່​ຄ້າງ​ຄາ​ໃຈ​ຜູ້​ຊາຍ​ທຸກ​ຄົນ​ມາ​ດົນ​ ເ​ເຕ່​ມື້​ນີ້ພວກເຮົາ​ມີ​ຄຳ​ອະທິບາຍ​ ເພື່ອ​ໄຂ​ຂໍ້​ຂ້ອງ​ໃຈ​ນີ້​ມາ​ບອກ​ເ​ເລ້ວ​.​ ​ທີມ​ເ​ເພດ​ຈາກ​ມະຫາ​ວິທະຍາ​ໄລ​ນິວ​ຄາດ​ເຊີນ​ໃນ​ປະເທດ​ອອສ​ເຕຣ​ເລຍເປີດ​ເຜີຍ​ວ່າ ​ພວກ​ເຂົາໄດ້​ຮູ້​ເຖິງ​ສາ​ເຫດ​ຂອງ​ການ​ແຂງ​ໂຕ​ເອງ​ຂອງ​ອະໄວຍະວະ​ເພດ​ໃນ​ຕອນ​ເຊົ້າ​ ໂດຍ​

ດຣ​. ເຊີ​ຈິ​ໂອ​ ດິ​ເອ​ສ​ ອັນ​ວາ​ເຣ​ສ​ (Sergio Diez Alvarez) ໄດ້​ອອກ​ມາ​ຢືນຢັນ​ເປັນ​ທີ່​ຊັດເຈນ​ແລ້ວ​ວ່າ ​ການ​ເ​ເຂງໂຕ​ເອງ​ຂອງ​ອະໄວຍະວະ​ເພດ​ໃນ​ຕອນ​ເຊົ້າ​ນັ້ນ​ບໍ່​ໄດ້​ເປັນ​ຄວາມ​ຜິດ​ປົກກະຕິ​ເລື່ອງ​ເພດ​ ຫຼື ​ມີ​ສາ​ເຫດ​ມາ​ຈາກ​ຄວາມສົນໃຈ​ໃນ​ເລື່ອງ​ທາງເພດ​ເ​ຕ່​ຢ່າງ​ໃດ​ ໃນ​ທາງ​ກົງ​ກັນ​ຂ້າມ​ຄື​ອາການ​ນີ້​ເປັນ​ຄວາມ​ປົກກະຕິ​ສາມາດ​ເກີດ​ຂຶ້ນ​ໄດ້​ກັບ​ຜູ້​ຊາຍ​ສຸຂະພາບ​ດີ​ທຸກ​ຄົນ.​

2. ຄວາມ​ລັບ​ຢູ່​ທີ່ກົນ​ໄກ​ການ​ນອນ​ຫຼັບ:​ ​ທ່ານ​ ເຊີ​​ຈິ​ໂອ​ ເປີດ​ເຜີຍ​ວ່າ​ ການ​ເ​ເຂງ​ໂຕ​ເອງ​ຂອງ​ອະໄວຍະວະ​ເພດ​ຊາຍ​ນີ້​ສາມາດ​ເກີດ​ຂຶ້ນ​ໄດ້​ໃນ​ຊ່ວງ​ເວລາ​ທີ່​ເຮົາ​ນອນ​ຫຼັບ​ໄດ້​ມາກ່າວເຖິງ​ 5 ເທື່ອ​ໃນ​ໜຶ່ງ​ຄືນ​ ເຊິ່ງ​ຈະ​ເກີດ​ຂຶ້ນ​ໃນ​ຊ່ວງ​ທີ່​ເຮົາ​ນອນ​ຫຼັບ​ເລິກ​ ຫຼື ທີ່​ເອີ້ນວ່າ​ນອນ​ຫຼັບ​ໃນ​ໂໝດ​ REM Sleep ເຊິ່ງ​ການ​ຫຼັບ​ໃນ​ໂໝດ​ນີ້​ເປັນ​ຊ່ວງ​ການ​ຫຼັບ​ທີ່​ເຮັດໃຫ້​ເຮົາ​ຝັນ​ເຫັນ​ສິ່ງ​ຕ່າງ​ໆ​ ແລະ​ ເມື່ອ​ເຮົາ​ຝັນ​ ສະໝອງ​ຈະ​ກະຕຸ້ນ​ການ​ເຮັດ​ວຽກງານ​ຂອງ​ລະບົບ​ປະສາດ​ໃຫ້​ຕື່ນ​ຕົວ​ເຮັດ​ສົ່ງ​ຜົນ​ໃຫ້​ອະໄວຍະວະ​ເພດ​ແຂງ​ໂຕເອງ ເຖິງ​ວ່າ​ຈະ​ບໍ່​ໄດ້​ຝັນ​ເຖິງ​ເລື່ອງ​ທາງ​ເພດ​ກໍ​ຕາມ.​ ​ການແຂງ​ໂຕ​ເ​ເຕ່​ລະ​ເທື່ອ​ຈະ​ມີໄລຍະ​ເວລາ​ດົນ​ເຖິງ​ 20-30 ນາ​ທີ​ ຊຶ່ງ​ຈະຫຼາຍ ຫຼື ໜ້ອຍ​ກໍ​ຂຶ້ນ​ຢູ່​ກັບສຸຂະ​ພາ​ບຮ່າງ​ກາຍ​ຂອງ​ເ​ເຕ່​ລະ​ຄົນ.​

3. ອະໄວຍະວະເພດ​ແຂງ​ເອງ​ຕາມ​ທຳມະຊາດ​ນັ້ນ​ເປັນ​ສັນຍາ​ນ​ບົ່ງ​ບອກ​​​ວ່າ ​ຮ່າງ​ການ​ມີ​ສະມັດຖະພາບ​ທາງ​ເພດ​ທີ່​ດີ​: ເພາະ​ການ​ທີ່​ອະໄວຍະວະ​ເພດຂອງເຮົາ​ແຂງໂຕ​ຕອນ​ເຊົ້າ​ນັ້ນ​ມີ​ສາ​ເຫດ​ມາ​ຈາກ​ການ​ທີ່​ຮ່າງກາຍ​ທີ່​ແຂງ​ແຮງ​ສຸກຂະພາບ​ດີ​ຂອງ​ເຮົາ​ຫຼັ່ງ​ຮໍ​​ໂມນ​ເພດ​ຊາຍ​ທີ່​ເອີ້ນວ່າ​ ເທສ​ໂທສ​ເຕີ​ໂຣນ​ອອກ​ມາ​ໃນ​ຊ່ວງ​ເຊົ້າ​ກ່ອນ​ຕື່ນ​ນອນ​ນັ້ນ​ເອງ​. ນັ້ນ​ຖື​ໄດ້​ວ່າ​ເປັນ​ສັນຍານ​ທີ່​ດີ​ທີ່​ບົ່ງ​ບອກ​ວ່າ ​ເຮົາ​ມີ​ຮ່າງກາຍ​ສົມບູນ​ແຂງ​ແຮງ,​ ສະມັດຖະພາບ​ທາງ​ເພດ​ຢູ່ໃນ​ລະ​ດັບ​ທີ່ດີ.​ ທຸກ​ຄົນທີ່​ມີ​ອາການ​ເຊັ່ນ​ນີ້ຈົ່​ງພູູມໃຈເດີ້.​

ຫວັງ​ວ່າບ​ົດ​ຄວາມ​ນີ້ຄົ​ງ​ຈະ​ຊ່ວຍ​ໄຂ​ຂໍ້​ຂ້ອງ​ໃຈ ​ເ​ເລະ ​ເຮັດໃຫ້​​ໜຸ່ມ​ໆທີ່ອະໄວຍະວະເພດແຂງໂຕ​ໃນຕອນ​ເຊົ້າ​ໄດ້​ເຊົາ​ກັງ​ວົນໃຈໄດ້ ເມື່ອ​ຮູ້​ແບບ​ນີ້​ແລ້ວ​ ເພາະ​ຄວາມຈິງແລ້ວ​ມັນ​ເປັນ​ທຳມະຊາດ​ຂອງ​ຜູ້​ຊາຍ​ທຸກ​ຄົນ​ນັ້ນ​ເອງ.​ ເ​ເຕ່​ຫາກ​ມັນ​ບໍ່ແຂງໂຕ​ນີ້ລະ ທີ່​ທ່ານ​ຕ້ອງ​ກັງ​ວົນ​ ເພາະ​ນັ້ນ​ອາດ​ເປັນ​ສັນຍາ​ນບົ່ງ​ຊີ້​ວ່າ​ທ່ານ​ກຳ​ລັງ​ມີ​ສະມັດຖະພາບ​ທາງ​ເພດ​ເສື່ອມ​ຖອຍ​ ຫຼື ​ສຸຂະພາບ​ຮ່າງກາຍ​ອ່ອນ​ເ​ເອ​ກໍ​ເປັນ​ໄດ້
ຕອບຂໍ້ສົງໄສ ເປັນຫຍັງອະໄວຍະວະເພດຊາຍມັກແຂງໂຕຕອນເຊົ້າ? ຜິດປົກກະຕິ ຫຼື ບໍ່? Reviewed by makarow on 7:24:00 PM Rating: 5

Contact Form

Name

Email *

Message *

Powered by Blogger.