ຂ່າວດ່ວນ

ຂ່າວອື່ນໆ

random

ເປັນຕະຄິວ ເຮັດແບບໃດດີ???


ຕະຄິວໝາຍເຖິງ ການຫົດໂຕຂອງກ້າມເນື້ອຢ່າງຮຸນແຮງເປັນເວລາຕໍ່ເນື່ອງກັນດົນໆ ໂດຍບໍ່ໄດ້ຕັ້ງໃຈເຮັດອາດເປັນກ້າມເນື້ອກຸ່ມດຽວ ຫຼື ຫຼາຍໆກຸ່ມ ກໍ່ໄດ້
ຕະຄິວອາດຈະເກີດໄດ້ຈາກຫຼາຍໆ ສາເຫດດັ່ງນີ້

1. ພາວະທີ່ຮ່າງກາຍຂາດນຳ້ ແລະ ເກືອ
2. ກ້າມເນື້ອອ່ອນແອ ແລະ ເກັງໂຕຈາກການເຮັດວຽກຈາກການເຮັດວຽກ ຫຼື ອອກແຮງຢ່າງຫຼາຍ ແລະ ໄວເກີນໄປ (ຂາດການອຸ່ນເຄື່ອງ) ເຊັ່ນ ການແລ່ນໄວ ຫຼື ແຂ່ງກິລາໜັກໆ ໂດຍບໍ່ມີການອຸ່ນເຄື່ອງກ່ອນ
3. ລະບົບໄຫຼວຽນຂອງເລືອດໄປລ້ຽງກ້າມເນື້ອບໍ່ພຽງພໍ ເຊັ່ນ ອາກາດໜາວຫຼາຍ ໃສ່ຖົງຕີນຮັດແນ່ນຫຼາຍ ເຮັດໃຫ້ເລືອດໄປລ້ຽງປາຍຕີນບໍ່ພໍ ເກີດເປັນຕະຄິວທີ່ນ່ອງຫຼືທີ່ຝ່າຕີນໄດ້
4. ພາວະຄຽດທາງຈິດໃຈ ມີຜົນໃຫ້ກ້າມເນື້ອຄຽດຫຼື ດືງໂຕຫຼາຍເກີນໄປກໍ່ເຮັດໃຫ້ເກີດເປັນຕະຄິວໄດ້ງ່າຍ

ອາການຂອງຄົນເປັນຕະຄິວ
ມີອາການຂອງກ້າມເນື້ອບາງມັດ ຫຼື ຫຼາຍໆມັດຢ່າງແຮງໂດຍບັງຄັບບໍ່ໄດ້ ຖ້າຄຳເບິ່ງຈະພົບວ່າກ້າມເນື້ອແຂງເປັນລຳປວດກ້າມເນື້ອທີ່ເກັງນັ້ນ ຄືກັບວ່າກ້າມເນື້ອຖືກທຸບຢ່າງແຮງ ຫຼື ຄືກັບວ່າກ້າມເນື້ອຖືກຍຸ້ມຢ່າງແຮງ ເຄື່ອນໄຫວຂໍ້ຕໍ່ທີ່ໃກ້ກັບກ້າມເນື້ອທີ່ເປັນຕະຄິວໄດ້ລຳບາກ
ການປ້ອງກັນ

1. ຄວນມີການເຝິກຊ້ອມກິລາ ຫຼື ອອກກໍາລັງກາຍຢູ່ສະໝໍ່າສະເໝີ
2. ດື່ມນຳ້ (ຫຼືນຳ້ຫວານ) ປະສົມເກືອເລັັກໜ້ອຍ ກ່ອນອອກກຳລັງກາຍຫຼື ກ່ອນຫຼີ້ນກິລາ
3. ຄວນມີການອຸ່ນເຄື່ອງ ເຊັ່ນການແລ່ນຊ້າໆ ກາຍບໍລິຫານກ່ອນການແຂ່ງຂັນກິລາທຸກຄັ້ງ
4. ນວດກ້າມເນື້ອເບົາໆ ກ່ອນ ແລະ ຫຼັງການຫຼີ້ນ ຫຼື ການແຂ່ງຂັນກິລາ
5. ຕັດຄວາມກັງວົນໃຈລ່ວງໜ້າກ່ອນການແຂ່ງຂັນ

ຖ້າເປັນຕະຄິວໂດຍກະທັນຫັນຄວນເຮັດແບບໃດ?
1. ຈັດທ່າທາງ ເພື່ອຍືດກ້າມເນື້ອທີ່ເປັນຕະຄິວ ອາດຈະຍືດດເອງ ຫຼື ໃຫ້ຜູ້ອື່ນຍືດໃຫ້ກໍ່ໄດ້ ຕົວຢ່າງເຊັ່ນການຍືດກ້າມເນື້ອຕ້ອງເຮັດຢ່າງນິ່ມນວນກ່ອນແລ້ວຈຶ່ງຄ່ອຍໆເພີ່ມແຮງຍືດເທື່ອລະໜ້ອຍຈົນສຸດການເຄື່ອນໄຫວຂອງຂໍ້ ແລະ ຍືດຄ້າງໄວ້ແປບໜຶ່ງ ເມື່ອກ້າມເນື້ອຄາຍໂຕແລ້ວຈຶ່ງຄ່ອຍໆ ຄາຍແຮງຍືດນັ້ນລົງ ການຍືດແຮງໆ ແລະ ໄວແບບກະຕຸກຈະເຮັດໃຫ້ເກັງກວ່າເກົ່າໄດ້ງ່າຍຂື້ນຈຶ່ງບໍ່ຄວນເຮັດ

2. ການນວດທີ່ກ້າມເນື້ອ ໃນໄລຍະທີ່ເລີ່ມເປັນຕະຄິວນີ້ ຄວນນວດເບົາສະລັບກັບການຍືດກ້າມເນື້ອ ເຊັ່ນ ການດືງເບົາໆ ທີ່ກ້າມເນື້ອນັ້ນປະມານ 1-2 ນາທີ ສະລັບກັບການຍືດກ້າມເນື້ອ 1-2 ນາທີ ຈະເຮັດໃຫ້ກ້າມເນື້ອຄາຍໂຕຫຼາຍຂື້ນ ການບີດນວດຢ່າງແຮງໆເປັນການກະຕຸ້ນໃຫ້ກ້າມເນື້ອເກັງຫຼາຍຂື້ນ ດັ່ງນັ້ນບໍ່ຄວນເຮັດ

3. ສຳລັບໃຫ້ຄວາມອົບອຸ່ນ ຫຼື ຄວາມຮ້ອນແກ່ກ້າມເນື້ອທີ່ເປັນຕະຄິວ ມີຄວາມສໍາຄັນໃນການຫຼຸດອາການເກັງເນື່ອງຈາກຕະຄິວ ແລະ ຊ່ວຍປ້ອງກັນການເປັນຊຳ້ໆ ອີກໄດ້ເປັນຢ່າງດີ ໃນໄລຍະກະທັນຫັນຊ່ວຍເຫຼືອ 2 ຢ່າງທຳອິດນ່າຈະພຽງພໍ ນອກຈາກຈະເປັນຊຳ້ໆກັນຫຼາຍຄັ້ງ ຈຶ່ງໃຊ້ຄວາມຮ້ອນຊ່ວຍ ອາດຈະໃນຮູບແບບໃຊ້ຜ້າຂົນໜູຈຸ່ມນຳ້ອຸ່ນແລ້ວບິດໃຫ້ພໍໝາດໆ ແລ້ວນຳມາປະຄົບບໍລິເວນທີ່ເປັນຕະຄິວ ຫຼື ຈະໃຊ້ກະເປົາຮໍນຳ້ຮ້ອນຫໍ່ດ້ວຍຜ້າຂົນໜູ 2 ຊັ້ນ ມາປະຄົບກໍ່ໄດ້ ຈະເຮັດໃຫ້ເລືອດມາລ້ຽງກ້າມເນື້ອຫຼາຍຂື້ນ

ແລະ ຫຼຸດອາການເກັງ ການປະຄົບໃຊ້ເວລາປະມານ 20-30 ນາທີ ຖ້າເປັນຜ້າຂົນໜູກໍ່ຄວນເອົາມາຈຸ່ມນຳ້ອຸນຕະຫຼອດ ເພື່ອຮັກສາຄວາມຮ້ອນໃຫ້ດົນ ເມື່ອກ້າມເນື້ອເຊົາເກັງແລ້ວກໍ່ຫາວິທີປ້ອງກັນດັ່ງກ່າວຕໍ່ໄປ

ເປັນຕະຄິວ ເຮັດແບບໃດດີ??? Reviewed by makarow on 7:17:00 PM Rating: 5

Contact Form

Name

Email *

Message *

Powered by Blogger.