ຂ່າວດ່ວນ

ຂ່າວອື່ນໆ

random

ກິນ​ໝາກ​ເຂືອຍາວ​ ຮັກສາ​ຝີ​ ດັບ​ພິດ​ ຫຼຸດ​ຄໍ​ເລດ​ເຕີ​ຣໍ


ຜັກ​ຈ່ຳ​ນ້ຳ​ພິກ​ຊັ້ນດີ​ ຄືໝາກ​ເຂືອຍາວ​ ມີ​ໃຜ​ຈະ​ບໍ່​ຮູ້​ຈັກ​ ບາງ​ຄົນ​ນີ້​ມັກ​ກິນ​ເປັນ​ຊີວິດ​ຈິດ​ໃຈ​ ເພາະ​ເປັນ​ຜັກ​ທີ່​ກິນ​ໄດ້​ທັງ​ແບບ​ສົດ​ ເຊັ່ນ​ ຈ່ຳ​ນ້ຳ​ພິກ​ ແລະ ​ແບບ​ປຸງ​ສຸກ​ ຍິ່ງເມື່ອ​ຜ່ານ​ຄວາມ​ຮ້ອນ​​ເນື້ອຂອງ​ໝາກ​ເຂືອຍາວ​ຈະ​ນຸ່ມ​ ສ່ຳ​ນ້ຳ​ ລົດ​ຫວານ​ແລະ​ມີກິ່ນ​ຫອມ​ ຈົນ​ຕິດ​ໃຈ​ໃນລົດຊາດ​ຂອງ​ໝາກເຂືອ​ຍາວ​​
ສານ​ອາຫານ​ຈາກໝາກ​ເຂືອຍາວ​

ສານ​ອາຫານ​ທີ່​ໄດ້ຮັບ​ຈາກ​ການ​ກິນ​ໝາກເຂືອ​ຍາວ​ໜັກ​ປະ​ມານ​ 1 ຂີດ​ ກໍ​ຄື​ ແຄລ​ຊຽມ​ 15 ມິນ​ລິກ​ຣາມ​ ຟອດ​ຟໍ​ຣັສ​ 44 ມິນ​ລິກ​ຣາມ​ ວິ​ຕາ​ມິນ​ຊີ​ 4 ມິນ​ລິກ​ຣາມ​ ເສັ້ນ​ໃຍ​ອາຫານ​ 2.3 ກຣາມ​ ລວມ​ເຖິງ​ມີ​ວິ​ຕາ​ມິນ​ບີ​ 1 ແລະ ​ບີ​ 2 ອີກ​ນ້ອຍໆ​
ນອກ​ຈາກ​ນີ້​ ໝາກ​ເຂືອ​ຍາວ​ຍັງມີ​ສັບພະຄຸນທາງ​ຢາ​ອີກ​ຫຼວງ​ຫຼາຍ​ ຫຼາຍ​ຢ່າງ​ທີ່​ບໍ່​ຍາກ​ຈະ​ເຊື່ອ​ວ່າ​ ໝາກ​ເຂືອ​ຍາວ​ຈະ​ມີຄຸນ​ປະໂຫຍດ​ຫຼວງ​ຫຼາຍ​ຂະໜາດ​ນີ້​

ໝາກ​ເຂືອ​ຍາວ​ ຮັກສາ​ຝີ​ ດັບ​ພິດ​ ໄດ້​ແທ້ບໍ​
ໝາກ​ເຂືອ​ຍາວ​ເປັນ​ໄດ້​ທັງ​ຢາ​ແລະ​ອາຫານ​ ຈຶ່ງ​ມີ​ປະໂຫຍດ​ຫຼາຍ​ ໝາກ​ເຂືອ​ຍາວ​ຊ່ວຍ​ຫຼຸດ​ໄຂ້​ ກະຕຸ້ນ​ການ​ໄຫຼ​ວຽນ​ເລືອດ​ ບັນ​ເທົາ​ອາການ​ປວດ​ແລະ​ຫຼຸດ​ບວມ​ ຊຶ່ງ​ຈາກ​ການ​ວິ​ໄຈ​ພົບ​ວ່າ​ ໝາກ​ເຂືອ​ຍາວ​ຊ່ວຍ​ຫຼຸດ​ຄໍ​ເລດ​ເຕີ​ຣໍ​ໃນ​ເລືອດ​ ແລະ​ຂັບ​ຍ່ຽວ​
ນອກ​ຈາກ​ນີ້​ສ່ວນ​ອື່ນ​ໆ​ ຂອງ​ຕົ້ນ​ໝາກ​ເຂືອ​ຍາວ​ນຳ​ມາ​ໃຊ້​ຮັກສາ​ແຜ​ໄດ້​ດີ​ ລຳ​ຕົ້ນ​ແລະ​ຮາກ​ສົດ​ຕຳ​ລະອຽດ​ ຄັ້ນ​ນ້ຳ​ທາ​ຫຼື​ລ້າງ​ແຜ​ທີ່​ຖືກ​ຄວາມ​ເຢັນ​ ດອກ​ສົດ​ແລະ​ແຫ້ງ​ນຳ​ມາ​ເຜົາ​ເປັນ​ຂີ້ເຖົ້າ​ ແລ້ວ​ບົດ​ລະອຽດ​ພອກ​ແຜ​ທີ່​ມີ​ໜອງ​

ແມ້ກະທັງແວ໋ນຂອງໝາກເຂືອ​ກໍ​ສາມາດ​ນຳ​ມາ​ຕຳ​ພອກ​ຫຼື​ທາ​ແຜບ​ວມ​ມີ​ໜອງ​ ຝີ​ ຮັກສາ​ແຜ​ໃນ​ປາກ​ ຫຼື​ ອາການ​ຄັດ​ໜ້າ​ເອິກ​ໃນ​ແມ່​ລູກ​ອ່ອນ​ ພະຍາດ​ເລືອດ​ອອກ​ໃນ​ລຳ​ໄສ້​ເປັນ​ຕົ້ນ​ ໃຫ້​ນຳ​ໝາກ​ເຂືອ​ຍາວ​ມາ​ຕາກ​ແຫ້ງ​ ແລ້ວ​ບົດ​ເປັນ​ຢາ​ຜົງ​ຫຼື​ປັ້ນ​ເປັນ​ຢາ​ລູກ​ກອນ​ກ່ອນ​ກິນ​ ຖ້າ​ໃຊ້​ເປັນ​ຢາ​ພາຍນອກ​ໃຫ້​ຕຳ​ລະອຽດ​ແລະ​ໂປະ​ໄວ້​

ແລະ​ຍັງມີ​ອີກ​ເລື່ອງ​ທີ່​ຫຼາຍ​ຄົນ​ບໍ່​ຮູ້​ຄື​ ເມື່ອ​ກິນ​ເຫັດ​ພິດ​ໂດຍ​ຮູ້​ເທົ່າ​ບໍ່​ເຖິງ​ການ​ໃຫ້​ກິນ​ໝາກ​ເຂືອ​ຍາວ​ດິບ​ໆ​ ຫຼື​ຕົ້ມ​ກໍ​ໄດ້​ ຈະ​ຊ່ວຍ​ຖອນ​ພິດ​ໃນ​ທັນ​ທີ​ ຖ້າ​ເປັນ​ແຜ​ຫິມະ​ກັດ​ໃນ​ລະດູ​ໜາວ​ ຈະ​ຮູ້ສຶກ​ຄັນ​ໆ​ ເຈັບໆ​ ໃຫ້​ຕົ້ມ​ໝາກ​ເຂືອ​ຍາວ​ແລະຖ້າ​ໃຫ້​ເຢັນ​ລົງ​ປະ​ມານ​ 30 ອົງ​ສາ​ ແລ້ວ​ແຊ່​ສ່ວນ​ທີ່​ຖືກ​ຫິ​ມະ​ກັດ​ໄວ້​ຈະ​ຊ່ວຍ​ໃຫ້​ອາ ການ​ດີ​ຂຶ້ນ​
ຖ້າ​ບໍ່​ມີ​​ໝາກ​ເຂືອ​ຍາວ​ໃຫ້​ນຳ​ຕົ້ນ​ໝາກ​ເຂືອ​ຍາວ​ມາ​ຕົ້ມ​ແທນ​ກໍ​ໄດ້​ ໝາກ​ເຂືອ​ຍາວ​ຍັງ​ຊ່ວຍ​ຫຼຸດ​ຄວາມ​ດັນ​ເລືອດ​ສູງ​ ບຳ​ລຸງ​ອະໄວຍະວະ​ພາຍ​ໃນ​ ລວມ​ທັງ​ ຫາກ​ມີ​ອາການ​ເບື່ອ​ອາຫານ​ໃຫ້​ນຳ​ໝາກ​ເຂືອ​ຍາວ​ມາ​ຜັດ​ກັບ​ນ້ຳ​ມັນ​ຈາກ​ພືດ​ ເຊັ່ນ​ ນ້ຳ​ມັນ​ງາ​ ນ້ຳ​ມັນ​ຖົ່ວ​ເຫຼືອງ​ ຈະ​ຊ່ວຍ​ໃຫ້​ກິນ​ອາຫານໄດ້ຫຼາຍຂຶ້ນ​

ຕຳລັບ​ຢາ​ໂດຍ​ໃຊ້​ໝາກ​ເຂືອ​ຍາວ​
1. ຕີນ​ເປື່ອຍ​ຊຳເຮື້ອ​ ໃຊ້​ເປືອກ​ຜິວ​ໝາກ​ເຂືອ​ຍາວ​ສີ​ມ່ວງ​ສົດ​ ພອກ​ບໍລິເວນ​ທີ່​ເປັນ​ມື້​ລະ​ 1-2 ເທື່ອ​ ໄລຍະທຳອິດຈະ​ມີ​ອາການ​ຫຼາຍ​ຂຶ້ນ​ ຫຼັງ​ຈາກ​ນັ້ນ​ປະ​ມານ​ 1 ອາທິດ​ ຈະ​ຄ່ອຍ​ໆ​ ຫາຍ​
2. ຝີ​ ໃຊ້​ໝາກ​ເຂືອ​ຍາວ​ຕຳ​ໃຫ້​ລະອຽດ​ ໃສ່​ນ້ຳ​ສົ້ມ​ສາຍ​ຊູລົ​ງ​ໄປ​ ເອົາ​ໄປ​ພອກ​ບໍລິເວນ​ຝີ​ ຈະ​ຫຼຸດ​ອາການ​ອັກ​ເສບ​ ແລະ ​ແກ້​ປວດ​ໄດ້​

3. ປວດ​ສົ້ນ​ຕີນ​ ໃຊ້​ຕົ້ນ​ ຫຼື ​ຮາກ​ ຫຼື ​ໃບ​ ຕົ້ມ​ເອົາ​ນ້ຳ​ລ້າງ​ບໍລິເວນ​ທີ່ປວດ​
4. ຖອກທ້ອງ​ ໃຊ້​ໃບ​ປະ​ມານ​ 10 ໃບ​ ຕົ້ມ​ກິນ​ນ້ຳ​
ໄດ້​ຕຳລັບ​ຕຳ​ລາ​ຢາ​ ແລະ ​ໄດ້​ຣູ້ສັບພະຄຸນ​ຂອງ​ໝາກ​ເຂືອ​ຍາວຂະໜາດ​ນີ້​ ກັບ​ບ້ານ​ໄປ​ ສົງ​ໄສ​ຕ້ອງ​ລວກ​ກິນ​ຄູ່​ກັບ​ນ້ຳ​ພິກແລ້ວ​…
ກິນ​ໝາກ​ເຂືອຍາວ​ ຮັກສາ​ຝີ​ ດັບ​ພິດ​ ຫຼຸດ​ຄໍ​ເລດ​ເຕີ​ຣໍ Reviewed by makarow on 11:46:00 PM Rating: 5

Contact Form

Name

Email *

Message *

Powered by Blogger.