ຂ່າວດ່ວນ

ຂ່າວອື່ນໆ

random

ສິ່ງນ້ອຍໆທີ່ເອີ້ນວ່າຄວາມສຸກ


ເປັນສິ່ງທີ່ທຸກຄົນຕາມຫາ ແທ້ຈິງແລ້ວສິ່ງທີ່ສ້າງຄວາມສຸກກໍ່ມີຫຼາຍຮູບແບບຮອບໆໂຕເຮົາ ພຽງແຕ່ຄົນເຮົາຕ່າງຫາກທີ່ເບິ່ງມຸມທີ່ແຕກຕ່າງກັນ ຈຶ່ງເຮັດໃຫ້ທຸກຄົນມີຄວາມຮູ້ສືກເປັນສຸກບໍ່ເທົ່າກັນ ຖ້າເຮົາຮູ້ສຶກວ່າເບິ່ງເຫັນບໍ່ຄ່ອຍຊັດເຈນ ເຮົາກໍ່ສັນນິຖານໄປວ່າເປັນນຳສາຍຕາ ກໍ່ໄປຮ້ານຕັດແວ່ນຕາຈາກນັ້ນກໍ່ຊອກຮ້ານໃດດີ ແວ່ນແບບໃດງາມແລະທັນສະໄໝ ເລນມີຈັກແບບ ແລ້ວແບບໃດທີ່ເໝາະກັບໂຕເຮົາ ເຊິ່ງປົກກະຕິແລ້ວເມື່ອເຮົາໃຊ້ແວ່ນຈະເຮັດໃຫ້ເຮົາເບິ່ງເຫັນຊັດເຈນຂື້ນ ເລນທີ່ຕາເບິ່ງຜ່ານເຮັດໃຫ້ເຮົາເບິ່ງເຫັນໄດ້ແຈ້ງຂື້ນ ແລ້ວຈິດໃຈຂອງເຮົາເດຈະເອົາອັນໃດເບິ່ງຜ່ານຈື່ງຈະເຮັດໃຫ້ເຮົາເບິ່ງໄດ້ແຈ້ງຂື້ນ ເພື່ອໃຫ້ເບິ່ງເຫັນສິ່ງທີ່ເອີ້ນວ່າຄວາມສຸກ

ຟັງເບິ່ງແປກປະຫຼາດເພາະເປັນການປຽບເປີຍ ແຕ່ເປັນເລື່ອງທີ່ມະຫັດສະຈັນ ເມື່ອເຮົາພົບວ່າຄວາມສຸກເລັກໆໜ້ອຍໆເຫຼົ່ານັ້ນເກີດຂື້ນແລະມີຢູ່ຈິງໃນຊີວິດປະຈຳວັນ ພຽງແຕ່ໃຊ້ຈິດໃຈເຝິກແລະພັດທະນາສິ່ງທີ່ເບິ່ງຜ່ານກໍ່ຈະເຫັນຄວາມສຸກໄດ້ບໍ່ຍາກ ແລ້ວເຮົາສາມາດເກັບກ່ຽວແລະສະສົມຄວາມສຸກເລັກໆນ້ອຍໆເຫຼົ່ານີ້ໄວ້ ປຽບສະເໜືອນເຮົາມີຈິກຊໍຄວາມສຸກຫຼາຍໆໂຕເມື່ອນຳໄປປະກອບກໍ່ຈະກາຍເປັນເລື່ອງລາວຂອງຄວາມສຸກ ວັນແຫ່ງຄວາມສຸກແລະພາບຂອງຄົນມີຄວາມສຸກ

ທຸກມື້ນີ້ເຮົາມີແຕ່ແນມຫາຄວາມສຸກໂດຍບໍ່ຮູ້ວ່າຄວາມສຸກນັ້ນເປັນແບບໃດ ຄວາມສຸກຢູ່ໃສ ເຮົາກໍ່ຈະບໍ່ມີທາງຮູ້ກັບຄວາມສຸກນັ້ນເລີຍ ຫຼາຍຄົນອາດເປັນຄົນທີ່ມີຄວາມສຸກທີ່ສຸດເພາະຊີວິດມີພຽບພ້ອມທຸກຢ່າງ ແຕ່ກໍ່ຍັງຈົ່ມວ່າຫາຄວາມສຸກບໍ່ໄດ້ ຄົນຫຼາຍຄົນບໍ່ມີຫຍັງຫຼາຍເທົ່າໃດແຕ່ກໍ່ມີຄວາມສຸກໄດ້ຫຼາຍກວ່າເສຍອີກ ຢ່າງທີ່ເຮົາຮູ້ກັນດີວ່າຈິດໃຈຂອງຄົນນັ້ນມີພື້ນທີ່ໃຫ້ບັນຈຸຄວາມຄິດ ຄວາມຮູ້ສືກທີ່ຢູ່ໃນໃຈສະທ້ອນອອກມາທາງສີໜ້າແລະຄຳເວົ້າ ທຸກຄົນກໍ່ຕ່າງຢາກມີສີໜ້າທີ່ຍີ້ມແຍ້ມແຈ່ມໃສ ຄຳເວົ້າມ່ວນນ່າຟັງ

 ແລ້ວແມ່ນຫຍັງລະທີ່ເປັນເງື່ອນໄຂຂອງຄວາມຄິດດີໆ ຄວາມຮູ້ສືກດີໆ ທີ່ເຮັດໃຫ້ຍິ້ມອອກມາໄດ້ແລ້ວເລື່ງໃດທີ່ເຮັດໃຫ້ເຮົາໃຈຮ້າຍແລະຜິດກັນ ມັນເປັນສິ່ງທີ່ຢູ່ໃກ້ໂຕເຮົາເຫຼືອເກີນລະຫວ່າງຄວາມສຸກກັບຄວາມທຸກ ແລ້ວມັນກໍ່ເປັນຂອງທີ່ຄູ່ກັນແບບນັ້ນ ຖ້າໃຫ້ເຮົາເລືອກຂ້າງໃດຂ້າງໜຶ່ງຂື້ນມາຢູ່ທີ່ໂຕເຮົາຈະເລືອກຫຍັງເທົ່ານັ້ນເອງ
ສິ່ງນ້ອຍໆທີ່ເອີ້ນວ່າຄວາມສຸກ Reviewed by makarow on 8:37:00 PM Rating: 5

Contact Form

Name

Email *

Message *

Powered by Blogger.