ຂ່າວດ່ວນ

ຂ່າວອື່ນໆ

random

ຫົນທາງຮັກແທ້……ທີ່ບໍ່ຕ້ອງຕາມຫາ


ຮັກແທ້ບໍ່ແມ່ນການທີ່ຕ້ອງຕາມຫາ ແຕ່ເປັນເລື່ອງຂອງການກຽມຄວາມພ້ອມໃຫ້ຕົນເອງອຄືການຈັດບ້ານງາມໆເອົາໄວ້ເພື່ອຕ້ອນຮັບແຂກ ບໍ່ວ່າຈະມີແຂກຫຼືບໍ່ ເຮົາກໍ່ຕ້ອງຈັດບ້ານເຮົາເອົາໄວ້ກ່ອນ ຜູ້ທີ່ມີສິດຄອບຄອງຮັກແທ້ຄືຜູ້ທີ່ມີຮັກເປັນຂອງຕົນເອງຢູ່ແລ້ວ
ແມ້ຈະຢູ່ຄົນດຽວກໍ່ຕາມ ເຂົາຈະຍ່າງດ້ວຍຄວາມຮັກ ນັ່ງດ້ວຍຄວາມຮັກ ຢືນດ້ວຍຄວາມຮັກ ຫຼັບຕາແລະຕື່ນດ້ວຍຄວາມຮັກ ກະທຳດ້ວຍຜູ້ຄົນອ້ອມຂ້າງດ້ວຍຄວາມຮັກ ເຂົາຈະຕ້ອງເປັນຜູ້ທີ່ມີຄວາມດີແລະຄວາມຮັກຂອງຕົນເອງຢູ່ແລ້ວ ຜູ້ທີ່ເຕັມພ້ອມຢູ່ແລ້ວບໍ່ແມ່ນຜູ້ທີ່ຂາດແຄວນ

ຂໍໃຫ້ເຮົາທັງຫຼາຍຄິດລອງເບິ່ງວ່າ ເມື່ອຄົນທີ່ຕາມຫາຄວາມຮັກສອງຄົນມາພົບກັນ ຄວາມສຳພັນນັ້ນຈະກາຍເປັນຮັກແທ້ໄດ້ແນວໃດ ໃນເມື່ອທັງສອງຄົນຄິດຈະມາຕັກຕວງຜົນປະໂຫຍດຂອງອີກຝ່າຍແຕ່ທຳອິດ ຍັງບໍ່ຮູ້ຈັກກັນດ້ວຍຊ້ຳແຕ່ຫວັງວ່າຈະໄດ້ຮັບຄວາມຮັກຂອງອີກຝ່າຍຈົນເຖິງທີ່ສຸດ ຈະຕ້ອງມີໃຜບາງຄົນຍ່າງເຂົ້າມາໃນຊີວິດເພື່ອໃຫ້ ໃຫ້ແລ້ວກໍ່ໃຫ້ໃນສິ່ງທີ່ເຂົາຂາດຫາຍໄປ ຄົນໆນັ້ນຈະຕ້ອງເຂົ້າໃຈທຸກຢ່າງ ໃຫ້ອະໄພສະເໜີ ແສນດີຕະຫຼອດເວລາ ຍອມຮັບຂໍ້ທີ່ຜິດພາດມາທັງໝົດ

ເຮົາມັກໃຊ້ຄຳວ່າ “ໃຜຈັກຄົນທີ່ພ້ອມທີ່ຈະຮັກເຮົາແລະເຂົ້າໃຈໃນສິ່ງທີ່ເປັນຢູ່” ມັນເປັນຄຳທີ່ແສນຈະງ່າຍ ແຕ່ຮູ້ບໍ່ວ່າພຽງຄຳນີ້ຄຳດຽວມັນກິນຊີວິດຂອງເຂົາໄປໝົດແລ້ວ ເຂົາຕົກເປັນທາດຜູ້ຊື່ສັດເຮົາໂດຍທີ່ຍັງບໍ່ຮູ້ຈັກກັນດ້ວຍຊ້ຳ ຄວາມຄິດລັກສະນະນີ້ບໍ່ແມ່ນຄວາມຄິດຂອງນັກບຸນ ແຕ່ເປັນຄວາມຄິດຂອງນັກຂໍທານ ສິ່ງນີ້ຄືຄວາມເຫັນແກ່ຕົວບໍ່ແມ່ນຮັກແທ້
ຮັກຄືການໃຫ້ເຂິ່ງເປັນສິ່ງທີ່ສວຍງາມ ເມື່ອຮັກແທ້ເປັນສິ່ງທີ່ສວຍງາມ ແລ້ວມັນຈະເລີ່ມຕົ້ນດ້ວຍຄວາມກຽດຊັງໄດ້ຢ່ງໃດ ບໍ່ມີທາງ!!!!!!!!

ຖ້າເຈົ້າຕ້ອງການຮັກແທ້ ເຈົ້າຕ້ອງເປັນຜູ້ໂຫຍຫາທີ່ຈະໃຫ້ໂດຍບໍ່ມີເງື່ອນໄຂ ບໍ່ຄິດທີ່ຈະເອົາໂດຍບໍ່ມີເຫດຜົນ ເມື່ອຂໍທານສອງຄົນມາພົບກັນກໍ່ຈະຮຽກຮ້ອງ ຢາກໄດ້ນັ່ນຢາກໄດ້ນີ້ ຕ້ອງການບໍ່ມີສິ້ນສຸດ ມັນຄືຄວາມໂລບບໍ່ແມ່ນຄວາມຮັກ
ການທີ່ຈະເກີດຮັກແທ້ ຕ້ອງເປັນການພົບກັນລະຫວ່າງນັກບຸນສອງຄົນມາພົບກັນ ເປັນເລື່ອງຂອງຄົນສອງຄົນທີ່ມີຄວາມສຸກໃຫ້ແກ່ກັນ ແລະພ້ອມຈະໃຫ້ກັນຫຼາຍຂື້ນເມື່ອໃຜຄົນໃດຄົນໜຶ່ງເຂົ້າມາໃກ້ສິດ ສິ່ງນີ້ເອີ້ນວ່າຮັກແທ້

ຈົ່ງເປັນຜູ້ໃຫ້ໂດຍບໍ່ຫວັງຜົນ
ຈົ່ງລໍຄອຍຄວາມຊ່ວຍເຫຼືອ ດູແລ ປົກປ້ອງ
ຈົ່ງມີຄວາມຄິດບວກໄປໃນທິດທາງເຫຼົ່ານີ້
ຫາກເຈົ້າຕ້ອງການຮັກແທ້

ຮັກແທ້ຄືຄວາມພິເສດແລະມັນຈະບໍ່ມີວັນເກີດຂື້ນໃນຜູ້ມີຈິດໃຈທຳມະດາ
ຜູ້ທີ່ຄູ່ຄວນກັບສິ່ງພິເສດ ຈະຕ້ອງເປັນຜູ້ທີ່ມີຄວາມພິເສດເຊັ່ນກັນ
ຫົນທາງຮັກແທ້……ທີ່ບໍ່ຕ້ອງຕາມຫາ Reviewed by makarow on 7:37:00 PM Rating: 5

Contact Form

Name

Email *

Message *

Powered by Blogger.