ຂ່າວດ່ວນ

ຂ່າວອື່ນໆ

random

ສິ່ງດີໆ ຈາກນ້ຳຕາ ຂໍ້ດີຂອງການມີນ້ຳຕາ


ສິ່ງດີໆ ຈາກນ້ຳຕາ ໃຜວ່າການຮ້ອງໄຫ້ບໍ່ມີປະໂຫຍດ ຂໍ້ດີຂອງການມີນ້ຳຕາ
ຫຼາຍຄົນເຊື່ອວ່າການຮ້ອງໄຫ້ຄືການສະແດງອອກເຊິ່ງຄວາມອ່ອນແອ ແລະ ເປັນພຶດຕິກຳທີ່ນ່າອາຍ ແຕ່ທີ່ຈິງແລ້ວການຮ້ອງໄຫ້ນັ້ນມີປະໂຫຍດກວ່າທີ່ເຮົາຄິດ ສົງຜົນດີທັງຮ່າງກາຍແລະຈິດໃຈ ມື້ນີ້ເຮົາມີເລື່ອງຂອງການຮ້ອງໄຫ້ມາເລົ່າສູ່ກັນຟັງ ບອກໄດ້ເລີຍວ່າການຮ້ອງໄຫ້ນັ້ນດີຈົນທ່ານຄິດຢາກໄຫ້ຂື້ນມາທັນທີ່ເລີຍລະ

1.ຊ່ວຍຫຼຸດຄວາມຄຽດ
ໃນນ້ຳຕາຂອງຄົນເຮົາມີແຮ່ທາດຊະນິດໜື່ງທີ່ເອີ້ນວ່າແມງການີິສຢູ່ຫຼາຍກວ່າເລືອດເຖີງ30ເທົ່າ ເຊິ່ງແຮ່ທາດເຫຼົ່ານີ້ຈະມີສ່ວນເຮັດໃຫ້ຮ່າງກາຍລົດອາການຄຽດລົງໄດ້ ໂດຍ William Freyນັກຊິວະເຄມີແລະຜູ້ຂຽນໜັງສື Crying: the Mystery of Tear ເຊິ່ງໄດ້ຮັບການສຶກສາພົບວ່າ ການຮ້ອງໄຫ້ເປັນວິທີການກຳຈັດແມງການິສທີ່ດີທີ່ສຸດ ຊ່ວຍຂັບແມງການິສອອກມາໄດ້ຫຼາຍແລະລົດຄວາມຄຽດຢ່າງໜ້າອັດສະຈັນ

2.ຊ່ວຍເສີມສ້າງຄວາມສຳພັນໃຫ້ແຂງແກ່ນ
ຫຼາຍຄົນຄົງຈະເຄີຍສົງໄສວ່າຫຼາຍຄູ່ຮັກທີ່ຜິດກັນຈົນເຖິງຂັ້ນເລີກລາຢ່າງເດັດຂາດແລ້ວນັ້ນເປັນຫຍັງຈຶ່ງກັບມາຄືນດີກັນເພາະເຫັນວ່າອີກຝ່າຍກຳລັງຮ້ອງໄຫ້ແລະຍັງລືມເລື່ອງຕ່າງໆທີ່ເຄີຍຜິດໃຈກັນໄປໝົດ ນັ້ນກໍ່ເປັນເພາະວ່ານ້ຳຕາເປັນຕົວກະຕຸ້ນຄວາມຮູ້ສຶກທີ່ລະອຽດອ່ອນ ເຊິ່ງວາລະສານວິຊາການ Evolutionary Psychology ໄດ້ຕີພິມບົດວິເຄາະຂອງ Oren Hasson ນັກຊີວະວິທະຍາການທີ່ກ່ຽວຂ້ອງກັບການຮ້ອງໄຫ້ Hasson ໄດ້ວິເຄາະວ່າການຮ້ອງໄຫ້ເປັນການກະຕຸ້ນຄວາມເຫັນອົກເຫັນໃຈ ແລະ ຄວາມຮູ້ສຶກທີ່ກ່ຽວກັບການສະໜັບສະໜູນເຊິ່ງກັນແລະກັນ ເຮັດໃຫ້ຄວາມສຳພັນທີ່ແຕກແຍກໃຫ້ກັບມາດີຂື້ນອີກດ້ວຍ

3.ເຮັດໃຫ້ອາລົມດີຂື້ນ
ມີການສຶກສາຈຳນວນບໍ່ໜ້ອຍເຜີຍວ່າຫຼັງຈາກເຮົາຮ້ອງໄຫ້ແລ້ວຈະມີຄວາມສຸກຫຼາຍຂື້ນ ແລະ ສົ່ງຜົນທີ່ດີໃຫ້ກັບຮ່າງກາຍ ແລະ ຈິດໃຈ ໂດຍນັກວິໄຈພົບວ່າການຮ້ອງໄຫ້ຊ່ວຍສຳລະລ້າງສານເຄມີທີ່ບໍ່ດີອອກຈາກຮ່າງກາຍອອກໄປ ແລະ ໃນຂະນະດຽວກັນຈະຊ່ວຍເຮັດໃຫ້ເຮົາມີຈິດໃຈທີ່ດີຂື້ນ ແລະ ເຮັດໃຫ້ເຮົາຮັບມືກັບສະຖານະການທີ່ໂຫດຮ້າຍໄດ້
ເຖິງແມ່ນວ່າການຮ້ອງໄຫ້ຈະດີຕໍ່ຮ່າງກາຍແລະຈິດໃຈ ແຕ່ເຮົາກໍ່ບໍ່ຄວນຈະຮ້ອງໄຫ້ເລື້ອຍໆ ເພາະນອກຈາກຈະເຮັດໃຫ້ດວງຕາຊ້ຳແລະຈະເຮັດໃຫ້ເບິ່ງບໍ່ດີອີກນຳ ແຕ່ເຮົາພົບເຈິເລຶ່ອງທີ່ບໍ່ອາດຈະທົນກໍ່ຮ້ອງໄຫ້ລະບາຍອອກມາຈະຊ່ວຍໃຫ້ເຮົາຮູ້ສຶກດີຂື້ນນັ້ນເອງ

ສິ່ງດີໆ ຈາກນ້ຳຕາ ຂໍ້ດີຂອງການມີນ້ຳຕາ Reviewed by makarow on 9:19:00 PM Rating: 5

Contact Form

Name

Email *

Message *

Powered by Blogger.